Uhlangothi lweZambezi Water Authority luthi sesikhuphukile isilinganiso samanzi angene edamu leKariba lonyaka loba engasoze enele ukuphehla ngemfanelo umlilo kagetsi, okungenza kulungiswe uhlupho lomlilo lo eZimbabwe lakweleZambia.
Amazwe la ehlisa inani lamagetsi aphehlwa eKariba ngenxa yokwehla kwamanzi kulelidamu, okwengeza isikhathi sokucitshwa kwamagetsi emazweni womabili.
Kusenjalo, idolobho lakoBulawayo liqhubeka libhekane lodubo lokusilela kwamanzi njalo ngoba malutshwane kakhulu amanzi asengene emadamu okukhiwa khona amanzi lidolobho leli.
Idamu le-Upper Ncema selilamanzi ayisilinganiso samatshumi amathathu llantathu ekhulwini- 33.9%, eleLower Ncema 7% kuthi eleUmzingwane lilesilinganiso sokungamatshumi amathathu lene -34.7%.
Ukuhlaziya loludaba uTaboka Ncube weStudio 7 uxoxe loMnu. Ambrose Sibindi owayekhokhela inhlanganiso yezakhamizi eyeBulawayo Progressive Residents.
Forum