WASHINGTON DC —
Ezinye izakhamizi zeTsholotsho zithi zithwaliswe amagabh’ avuzayo ngabagcina inyamazana zendle, ama rangers, besithi badinga ababulale indlovu ngetshefu.
Ama rangers, la asedinge uncedo lwamasotsha abikwa engena emizini yezakhamizi ezihlukuluza esithi afuna itshefu ye cyanide eyiyo eyasetshenziswa ukubulala indlovu esezedlula amakhulu amathathu ngabafuna ukuthengisa impondo zazo.
Omunye wezakhamizi ezithi zitshaywe ngempelasonto nguMnu. Lot Zondo otshele intathelizindaba ngoLwesibili ukuthi utshaywe kabuhlungu, watshiswa izitho zakhe ngomlilo ethelwa amanzi aqandayo okwamalanga amahlanu.
NgoLwesithathu uZondo walile ukukhuluma leStudio 7 esithi amagqwetha akhe athe afuna ukukhweza loludaba emthethwandaba ukuze uhulumende amhlawule imali.
Kodwa isikhulumeli sama rangers, uNkosikazi Caroline Washaya-Moyo, ulandule limbiko esithi ugatsha lwakhe ludingisise ukuthi lokhu kungabe kwenzakele lwathola ukuthi ngamanga.
Owake waba ngummeli wesigaba se Tsholotsho South, uMnu. Believe Gawule utshele uChris Gande weStudio 7 ukuthi imbiko yokuhlukuluzwa kwezakhamizi bayithole kumaviki ambalwa asanda kwedlula kodwa kathesi kuthule.
Ama rangers, la asedinge uncedo lwamasotsha abikwa engena emizini yezakhamizi ezihlukuluza esithi afuna itshefu ye cyanide eyiyo eyasetshenziswa ukubulala indlovu esezedlula amakhulu amathathu ngabafuna ukuthengisa impondo zazo.
Omunye wezakhamizi ezithi zitshaywe ngempelasonto nguMnu. Lot Zondo otshele intathelizindaba ngoLwesibili ukuthi utshaywe kabuhlungu, watshiswa izitho zakhe ngomlilo ethelwa amanzi aqandayo okwamalanga amahlanu.
NgoLwesithathu uZondo walile ukukhuluma leStudio 7 esithi amagqwetha akhe athe afuna ukukhweza loludaba emthethwandaba ukuze uhulumende amhlawule imali.
Kodwa isikhulumeli sama rangers, uNkosikazi Caroline Washaya-Moyo, ulandule limbiko esithi ugatsha lwakhe ludingisise ukuthi lokhu kungabe kwenzakele lwathola ukuthi ngamanga.
Owake waba ngummeli wesigaba se Tsholotsho South, uMnu. Believe Gawule utshele uChris Gande weStudio 7 ukuthi imbiko yokuhlukuluzwa kwezakhamizi bayithole kumaviki ambalwa asanda kwedlula kodwa kathesi kuthule.
