Izakhamizi Zithi I-ZESA Iqhubekela Phambili Ngokucitsha Amagetsi

WASHINGTON —  Inengi labantu elizweni lithi inkampani kagetsi eye ZESA ilokhu iqhubekela phambili ngokubacitshela amagetsi mahlayana kusukela ngokhetho olusanda ukwedlula, osokubangele ukuthi impilo zabo zibe lukhuni.

Inkampani ye ZESA yona isanda kwethula umbiko othi ibhekane lenhlupho ezigoqela ukuswelakala kwamandla amagetsi elizweni, lokungasebenzi kuhle kwesititshi se Hwange Power Station.

Isakhamuzi sakoBulawayo uMnu. Batshwayi utshele uSithandekile Mhanga weStudio 7 inhlupho zezakhamizi sezizinengi kakhulu ngoba lokwesulelwa kwezikwelede zekhansili abakuthenjiswayo nguhulumende lokhu kungakaqalisi.