Ikomishini ebona ngokukhumisana umlotha eye National Peace and Reconciliation Commission, iqoqe umhlangano NgoMgqibelo owenzelwe eGwanda lapho uzulu ovele endaweni ezitshiyeneyo zesigabeni sangezansi yeMandebeleni, aveze imbono yakhe ngalokhu okumele kwenziwe ukuze kuxolelwane.
Inengi labantu abadabuka esigabeni sangenyakatho kweMatebeleland, ikakhulu eLupane, okulapho okwabulawa abantu abanengi ngesikhathi sombhuqazwe weGukurahundi bathi, kungakakhulunywa ngokuxolelana, uMugabe kumele aqale avume amacala akhe ukuze athethelelwe.
UMnu Nyangayensimbi Mkhwananzi ozalwa eLupane osowakhela eGwanda uthi uMugabe kumele amiswe phambi komthethwandaba athonisiswe aphinde njalo axolise kuzulu ngalokho akwenzayo.
“UMugabe uyakhuluma kavalekanga mlomo kufanele aphendule amacala akhe awavume, so kaxolise uMugabe.UMugabe kumele bamthwale ngewheelchair bahambe laye eHigh Court afike axolise amacala akhe lawa, nxa kuyikuthi seyakufa kuzamele uMnangagwa axolise ngoba nguye owayemkhulu kuleyondawo so kathesi ukuthi uMnangagwa axolise, uzaxolisa njani umnikazi wecala ekhona madoda.”
UMnu. Parton Xaba obona ngamasiko yena odabuka eSilobela uthi labo abaphatheka kumbhuqazwe bayaziwa njalo kumele bachaze ukuthi kungani bakwenza lokhu.
“Ngalesosikhathi sombhuqazwe uPrime Minister uRobert Mugabe onguye okwazi kakhulu ngaloluhlelo njengenhloko yelizwe ukuthi iGukurahundi engunbhuqazwe igenocide le eloBlack Jesus uPerrence Shiri eloarchitect omkhulu uEmmerson okaMnangagwa loSydney Sekeramayi behlela loludaba lokuzabulala abantu bakamthwakazi injongo kwakuyini?
UMnu. Thandeko Zinti Mnkandla ngomunye wabahlukuluzwayo ngomnyaka ka1983 lapho atshaywa kabuhlungu eNsuza.
“Thina amavictim sifuna ukubana engakafi kabuye abhode ilizwe lonke leli amaThank you rallies alula ukuwawaqondisa kodwa idiesel yokuthi bazozixolisa gobuhlungu ayikho, ngithi mina njengevictim mina Zinti lo ngithi ababuye bezositshela ukuthi babesitshayelani.”
UMnu Njabulo Ngwenya odabuka eMadihongola uthi wahlukuluzeka kakhulu ngesikhathi seGukurahundi lapho ebanjwa ngamandla ukuthi abulala umdlwane wakhe ayewuthanda kakhulu ngemva kokuthi ukhonkothe ibutho leGukurahundi. Uthi lokhu kumphazamisa kakhulu engqondweni yakhe okwadala ukuthi aphazamiseke ezifundweni nzakhe, kungakho uthi uhulumende kumele ahlawule wonje nje uzulu wemaNdebeleni ngoba wahlukuluzeka ngeyinye indlela ngalesosikhathi.
“Abantu beMatabeleland bonke ngamavictims eGukurahundi so if you are going to compensate abantu beMatabeleland you are going to compensate everyone labantwana esibazele last month ngoba iGukurahundi yahlasela yonke umuntu weMatabeleland.”
UMfundisi uLangton Moyo uthi kuyadingeka ukuthi kuxoliswane kuthi labo abakwenzayo bachaze lokuthi kungani bakwenza.
“There must be an apology , a clear apology hayi khona eyokucabangela ukuthi lapha engxenye ebexolisa hantsho angitshongo ukuthi ubani kodwa siyaswela ukuthi sikuzwe khonokho from the horses’ mouth , what was the motive behind yalokho okwayenzakalayo because in everything that happens there is a motive, what was the motive?”
Umgcinisihlalo wekomishini ebona ngokukhumisana umlotha uMnu. Sello Nare uthi bazaqala ukungena emaphandleni ukuze bathole imbono yalabo abahlukuluzwayo ngalokhu abafuna kwenziwe.
“Ubaba Induna uMathema wathi esikhangele ke wathi baba Nare baba Ncube abantu balilindele ukuthi bazolitshela okuphakathi kwabo balokhu besathsiseka samthembisa ukuthi sizagijima kukhanya lenyawo sesilazo ukuthi sigijime sihlangane labantu.”
UMongameli Emmerson Mnangagwa wethula umiko wokuthi uzulu kumele akhululeke ukuxoxa ngodaba lombhuqazwe engela kwesaba ukuze kudingwe indlela zokuthoba inhliziyo lamanxeba alabo abalahlekelwa yizihlobo ngalesosikhathi.
