HARARE —
Uzulu we Harare uthi ukhathazekile ngokungacaci kukahulumende ukuba izovela ngaphi imali yokuphathisa uManisipala ekuqhubeni imisebenzi yakhe nxa izakhamizi zingesulelwa izikwelede njengokutsho kukahulumende ukulakho ukuphazamisa ezempilakahle ikakhulu kundaba zokusilela kwamanzi lokungabuthwa kwezibi ngoba umanisipala eyiswela imali yokuwahlanza.
Ngenxa yalokhu kungacaci kukahulumende labomanisipala phezu kwaloludaba, abenhlanganiso ye Combined Harare Residents Association bathi bekungaba ngcono kube lesivumelwano sokuba uzulu azibhadale kancane-kancane lezo zikwelede zikamanisipala kusadingwa indlela zokuthola imali.
Abe CHRA bathi lokhu kuzakuphathisa ekuthini aqhube imisebenzi yakhe okufana lokutholisa uzulu amanzi ahlanzekileyo, kwenqatshelwe ukuqhamuka kwemikhuhlane efana lesihudo se Cholera njengalokho okube khona ngomnyaka ka 2008.
Bathi lanxa beke bathintana labohlangothi lwe “ City Treasury ” kuvele sobala ukuba alukabi khona uhlelo olutsho ukuba izavela ngaphi imali yokusebenzisa ngemva kokwesulwa kwezikwelede zikazulu.
Inkokheli zezombusazwe zikhankasela ukususwa kwalezi zikwelede kodwa kazitsho ukuba bazasebenza kanjani omanisipala nxa bengasayitholiswanga leyo mali obekumele ihlawulwe nguzulu.
Umqondisi wenhlanganiso ye CHRA uMnumzana Mfundo Mlilo uthi ingaswelakala imali yokuqhuba umsebenzi ngumanisipala kuzaphazamisa imisebenzi okufana lokubuthwa kwezibi kanye lokutholisa uzulu amanzi okulakho ukubangela ukuqhamuka kwemikhuhlane ofana lowesihudo se cholera.
UMlilo uthi lezo zikwelede kazikho emthethweni ngakho umanisipala kumele azikhangelisise abone ukuba angaphathisana njani lozulu ekuthini zesulwe njengokutsho kwabezombusazwe.
UMlilo uthi isimanga yikuba inkokheli zombusazwe zenza ingani yikhona zikubona ukuba ziyamsinda lezi zikwelede uzulu khona kuyinto abenhlanganiso yakhe abekade bekhala ngayo kuleminyaka emithathu eyedlule kodwa kungekho manyathelo abethathwa nguhulumende munye osesithi mazesulwe.
UMnumzana Moses Mzila uyisakhamuzi emzini we Mufakose njalo akasasebenzi njengoba esekuphumuleni.
UMzila obesebenzela umanisipala we Harare engakayi ekuphumuleni,uke wavalelwa manzi kusikhathi esedlule ngoba ehluleke ukuhlawula isikwelede sikamanisipala esibiza amakhulu amahlanu amadola- $500.00.
Uthi lanxa limjabulisa inyathelo leli kuyamethusa njalo ngoba uhulumende munye akacaci ukuba izovela kuphi imali yokuvala isikhenxe esidalwa yileyo obekumele ihlawulwe yizakhamuzi ukuze aqhubekele phambili u manisipala ephatha imisebenzi yakhe.
Uhulumende uthi mazesulwe izikwelede kodwa uzulu emadolobheni amakhulu lawezabelo kuma growth points, uthi lokhu kulakho ukuphazamisa ukuqhutshwa kwemisebenzi kamanisipala obevele esehluleka ukutholisa uzulu amanzi aneleyo ngobulutshwana bemali abeyithola kutsho uNkosikazai Sibonginkosi Gumede wase Gokwe.
Abenhlanganiso elwela ilungelo lezakhamizi ze Harare iCHRA bathi bakhathazekile labo ngombiko kahulumenende wokuba zesulwe lezo zikwelede kungakadingwa indlela zokuphathisa ukuba aqhubekele phambili ngemisebenzi yakhe umanisipala njengoba lokhe kungakacaci ukuba luzaqhutshwa kanjani loluhlelo lokwesulwa kwezikwelede zikamanisipala.
Lezi zikwelede esezisinda uzulu wemadolobheni amakhulu lamancinyane,ngezisukela kumnyaka ka 2009 lapho ilizwe liqala ukusebenzisa imali yakwamanye amazwe okubalisa eyeMelika.
Uzulu we Harare uthi ukhathazekile ngokungacaci kukahulumende ukuba izovela ngaphi imali yokuphathisa uManisipala ekuqhubeni imisebenzi yakhe nxa izakhamizi zingesulelwa izikwelede njengokutsho kukahulumende ukulakho ukuphazamisa ezempilakahle ikakhulu kundaba zokusilela kwamanzi lokungabuthwa kwezibi ngoba umanisipala eyiswela imali yokuwahlanza.
Ngenxa yalokhu kungacaci kukahulumende labomanisipala phezu kwaloludaba, abenhlanganiso ye Combined Harare Residents Association bathi bekungaba ngcono kube lesivumelwano sokuba uzulu azibhadale kancane-kancane lezo zikwelede zikamanisipala kusadingwa indlela zokuthola imali.
Abe CHRA bathi lokhu kuzakuphathisa ekuthini aqhube imisebenzi yakhe okufana lokutholisa uzulu amanzi ahlanzekileyo, kwenqatshelwe ukuqhamuka kwemikhuhlane efana lesihudo se Cholera njengalokho okube khona ngomnyaka ka 2008.
Bathi lanxa beke bathintana labohlangothi lwe “ City Treasury ” kuvele sobala ukuba alukabi khona uhlelo olutsho ukuba izavela ngaphi imali yokusebenzisa ngemva kokwesulwa kwezikwelede zikazulu.
Inkokheli zezombusazwe zikhankasela ukususwa kwalezi zikwelede kodwa kazitsho ukuba bazasebenza kanjani omanisipala nxa bengasayitholiswanga leyo mali obekumele ihlawulwe nguzulu.
Umqondisi wenhlanganiso ye CHRA uMnumzana Mfundo Mlilo uthi ingaswelakala imali yokuqhuba umsebenzi ngumanisipala kuzaphazamisa imisebenzi okufana lokubuthwa kwezibi kanye lokutholisa uzulu amanzi okulakho ukubangela ukuqhamuka kwemikhuhlane ofana lowesihudo se cholera.
UMlilo uthi lezo zikwelede kazikho emthethweni ngakho umanisipala kumele azikhangelisise abone ukuba angaphathisana njani lozulu ekuthini zesulwe njengokutsho kwabezombusazwe.
UMlilo uthi isimanga yikuba inkokheli zombusazwe zenza ingani yikhona zikubona ukuba ziyamsinda lezi zikwelede uzulu khona kuyinto abenhlanganiso yakhe abekade bekhala ngayo kuleminyaka emithathu eyedlule kodwa kungekho manyathelo abethathwa nguhulumende munye osesithi mazesulwe.
UMnumzana Moses Mzila uyisakhamuzi emzini we Mufakose njalo akasasebenzi njengoba esekuphumuleni.
UMzila obesebenzela umanisipala we Harare engakayi ekuphumuleni,uke wavalelwa manzi kusikhathi esedlule ngoba ehluleke ukuhlawula isikwelede sikamanisipala esibiza amakhulu amahlanu amadola- $500.00.
Uthi lanxa limjabulisa inyathelo leli kuyamethusa njalo ngoba uhulumende munye akacaci ukuba izovela kuphi imali yokuvala isikhenxe esidalwa yileyo obekumele ihlawulwe yizakhamuzi ukuze aqhubekele phambili u manisipala ephatha imisebenzi yakhe.
Uhulumende uthi mazesulwe izikwelede kodwa uzulu emadolobheni amakhulu lawezabelo kuma growth points, uthi lokhu kulakho ukuphazamisa ukuqhutshwa kwemisebenzi kamanisipala obevele esehluleka ukutholisa uzulu amanzi aneleyo ngobulutshwana bemali abeyithola kutsho uNkosikazai Sibonginkosi Gumede wase Gokwe.
Abenhlanganiso elwela ilungelo lezakhamizi ze Harare iCHRA bathi bakhathazekile labo ngombiko kahulumenende wokuba zesulwe lezo zikwelede kungakadingwa indlela zokuphathisa ukuba aqhubekele phambili ngemisebenzi yakhe umanisipala njengoba lokhe kungakacaci ukuba luzaqhutshwa kanjani loluhlelo lokwesulwa kwezikwelede zikamanisipala.
Lezi zikwelede esezisinda uzulu wemadolobheni amakhulu lamancinyane,ngezisukela kumnyaka ka 2009 lapho ilizwe liqala ukusebenzisa imali yakwamanye amazwe okubalisa eyeMelika.