WASHINGTON DC —
Izakhamizi zeGweru ezedlula amakhulu amane zitshengisele ngoLwesine emigwaqeni zisola ukwenza kukamanisipala waleli dolobho okuveza ukunganaki inhlupho ezibhekane labantu.
Abantu laba bebethwele amabhakane behlabela befola besuka e-Ascot Club House emzini ohlala abanengi weAscot besedlula emzini weMambo besiya emahofisini amakhulu ekhansili awe Mutapa lapho abafike babuthana khona.
Amabhakane akade bewathwele abebhalwe amazwi asola ukungethembeki i-Corruption abathi sokubhahile phakathi kweziphathamandla zekhansili.
Izakhamizi zeGweru zisola njalo ikhansili ngokufuna ukuzikhwezela imithelo ngesilinganiso sokwedlula amatshumi amathathu ekhulwini-35%.