Izakhamizi zeChitungwiza Zimisa Ukudilizwa Kwezindlu

WASHINGTON DC —  Izakhamizi zedolobho le Chitungwiza zimanyene ngoLwesihlanu zamisa izisebenzi zekhansili ebeseziqalise ukudiliza izindlu ezibikwa zingakhiwanga okusemthethweni.

Izindlu ezimbili zibikwa besezidiliziwe izakhamizi zingakamanyani ukumisa loluhlelo olufana loOperation Murambatsvina.

Lesi sehlakalo sibikwa senzakale kulandela ukufika kulelidolobho kukamphathintambo wezabelo ohlangane lomanisipala walelidolobho okhokhelwa nguMnu. Philip Mutoti.

UChris Gande we Studio 7 uxoxe lomgcinisihlalo wenhlanganiso ye Chitungwiza Residents Trust, uMnu. Marvellous Khumalo othi lanxa loluhlelo lumisiwe izakhamizi sezidlelwa evalweni zingazi ukuzezankala ngelakusasa.