BULAWAYO —
Izakhamizi zakoBulawayo zithi umsebenzi sokuzamele uqale ngokufungiswa kwamalunga edale lephalamende ngoLwesibili. Uzulu usemelele ukubona ukuthi ziyagcwaliswa na izithembiso ezenziwa ngabamabandla ezombusazwe enkakhasela ukhetho esithi azaguqula impilo yezizalwane zakuleli.
Amalunga edale lephalamende ele National Assembly lele Senate athethe izifungo ezikhomba ukuqala komsebenzi kwawo wephalamende yesitshiyagalombili okusemthethweni.
UNkosikazi Belinda Ncube oyisakhamuzi njalo elwela amalungelo abesifazana uthi mnengi umsebenzi obhekane lamalunga la ephalamende ngenxa yezikhenxe ezatshiywa kusisekelo sombuso esitsha ezikhangelele ukugcwaliswa ngabameli laba. Uthi minengi imithetho edinga ukuguqulwa ihambelane lalokho osokutshiwo yisisekelo lesi.
Esinye njalo isakhamuzi, uMnumzana Ambrose Sibindi uthi zinengi izithembiso ezanikwa uzulu osokumele zifezeke. Uthi isithembiso sebandla elibusayo, iZanu PF sokusa inotho kwabensundu sihle nxa lokhu kuzakwenziwa ngendlela eqondileyo hatshi lokhu obekusenziwa kungakayiwa kukhetho. Uthi izakhamizi, ikakhulu izisebenzi kumankampani avalayo, zingajabulela ukuthi zithole ithuba lemali yokuwavuselela amafemu la.
Okhangela inhlelo zenhlanganiso yabatsha, iChristian Youth Forum of Zimbabwe, uMnumzana Innocent Dube, uthi sebekhangelele ukuthi kusetshenzwe ephalamende njalo ibandla le Zanu PF liqhube inhlelo zokuthuthukisa ilizwe lonke hatshi amalunga alo kuphela.
Iphalamende yalonyaka inkulu kulawo wonke akweminye iminyaka. Ilamalunga phose angamakhulu amathathu – 270 ku National Assembly kanye lamalunga eSenate angamatshumi ayisitshiyagalombili – 80.
Amalunga edale lephalamende ele National Assembly lele Senate athethe izifungo ezikhomba ukuqala komsebenzi kwawo wephalamende yesitshiyagalombili okusemthethweni.
UNkosikazi Belinda Ncube oyisakhamuzi njalo elwela amalungelo abesifazana uthi mnengi umsebenzi obhekane lamalunga la ephalamende ngenxa yezikhenxe ezatshiywa kusisekelo sombuso esitsha ezikhangelele ukugcwaliswa ngabameli laba. Uthi minengi imithetho edinga ukuguqulwa ihambelane lalokho osokutshiwo yisisekelo lesi.
Esinye njalo isakhamuzi, uMnumzana Ambrose Sibindi uthi zinengi izithembiso ezanikwa uzulu osokumele zifezeke. Uthi isithembiso sebandla elibusayo, iZanu PF sokusa inotho kwabensundu sihle nxa lokhu kuzakwenziwa ngendlela eqondileyo hatshi lokhu obekusenziwa kungakayiwa kukhetho. Uthi izakhamizi, ikakhulu izisebenzi kumankampani avalayo, zingajabulela ukuthi zithole ithuba lemali yokuwavuselela amafemu la.
Okhangela inhlelo zenhlanganiso yabatsha, iChristian Youth Forum of Zimbabwe, uMnumzana Innocent Dube, uthi sebekhangelele ukuthi kusetshenzwe ephalamende njalo ibandla le Zanu PF liqhube inhlelo zokuthuthukisa ilizwe lonke hatshi amalunga alo kuphela.
Iphalamende yalonyaka inkulu kulawo wonke akweminye iminyaka. Ilamalunga phose angamakhulu amathathu – 270 ku National Assembly kanye lamalunga eSenate angamatshumi ayisitshiyagalombili – 80.