BULAWAYO —
Ukhansila ka Ward 7, uMnumzana James Sithole uthi lanxa ikhansili ikhangelele ukusebenzisa imali phose izigidi ezilikhulu lamatshumi ayisithupha - $153 million, ngomnyaka ozayo, akuthembisi ukuthi limali izatholakala okutsho ukuthi udubo olubhekane lezakhamizi luzaqhubekela phambili.
UMnumzana Sithole ubekhuluma lezakhamizi zeMakokoba lamhla emhlanganweni oqoqwe yinhlanganiso ye Women Institute of Leadership Development ukuze axoxisane lezakhamizi ngendingeko zazo.
Emhlanganweni lo, kuvele ukuba izakhamizi zeMakokoba zibhekane kakhulu lohlupho lwengcekeza olubangelwa yikuhlala abantu beminyene lensimbi zezambuzi esezagugayo, kanye lodubo lwezinja labomangoye abangela banikazi asebagcwala ndawana yonke.
Izakhamizi zithi sezidiniwe ngokuhlala bezimuli ezimbili ngandlu nye ikakhulu njengoba izindlu lezi ezingezekhansili zingalungiswa lalapho sezinetha kuphahla kumbe izambuzi zingasasebenzi.
USithole uthi ikhansili ayilamali yokuqhuba inhlelo zayo ngendlela ekhwabithekayo ngoba abantu ababhadali. Uthi lanxa ikhansili yethule uluhlu lwendleko yayo yezigidi ezedlula ezilikhulu lengxenye- $153million eyomnyaka ozayo, ngendlela abantu abangabhadali ngayo akulathemba ukuthi limali izatholakala okutsho ukuthi ikhansili ayizukwanelisa ukuqhuba umsebenzi wayo ngemfanelo.
Uqhubeke esithi ye kade ikhansili yathembisa ukuthi izakhipha abantu abahlala bebanengi ngandlu lalabo abase ma-hostels kodwa ukusilela kwemali kwenza lokhu kubenzima njalo lemali yokulungisa impahla egugileyo ayikho.
Ohlala kulindawo, uNkosikazi Meltha Zulu, uthi umuzi weMakokoba ungabe uminyene kodwa abahlala kulindawo yibo abenza kungahlaleki ngenxa yobutshapha lokulahlela ingcekeza indawana yonke nje bona besazi ukuthi ikhansili ayenelisi ukuzabutha izibi njalonje. Uthi ingcekeza igcwele indawana yonke nje osokubize lemiyane ngakho kudingeka ukuthi izakhamizi zizinikele ekuhlanzeni lindawo.
Umhlangano lo ungenwe njalo ngowesifazana osebenza kunhlanganiso yezisebenzi, i- Zimbabwe Congress of Trade Unions, uNkosikazi Grace Mathe.
UMathe uthi kuqakathekile ukuthi izakhamiziz zizwisise ukuthi vele umsebenzi kakhansili ngowani ukwenzela ukuthi zazi ukuthi ncedo bani ezingaluthola kuye.
Wengeze esithi lanxa ukhansila ekhethwa emele ibandla, lapho esethe wafungiswa ukuqala umsebenzi kumele athwale izikhalazo zomuntu wonke ezisa ekhansilini ngoba ngumeli wendawo yonke.
IMakokoba ingenye yezindawo ezimbalwa eziseleyo koBulawayo lapho abantu abahlala endlini eyodwa bezimuli ezimbili. Lokhu sokwabangela ukuminyana kakhulu kusamelelwe ukuthi ikhansili iyakhe ezinye izindlu ukuze imuli lezi zehlukaniswe. Imuli lezi ezisebenzisa lezizindlu zibhadala imali ekhansilini nyanga zonke ngoba izindlu lezi lokhu ziyimphahla kakhansili.
IMakokoba lilokitshi elidala koBulawayo elakhiwa ngamakhiwa esakhela abesilisa kuphela ababesebenza kulelidolobho abesifazana bengavunyelwa kuthiwa bahlale emaphandleni.
UMnumzana Sithole ubekhuluma lezakhamizi zeMakokoba lamhla emhlanganweni oqoqwe yinhlanganiso ye Women Institute of Leadership Development ukuze axoxisane lezakhamizi ngendingeko zazo.
Emhlanganweni lo, kuvele ukuba izakhamizi zeMakokoba zibhekane kakhulu lohlupho lwengcekeza olubangelwa yikuhlala abantu beminyene lensimbi zezambuzi esezagugayo, kanye lodubo lwezinja labomangoye abangela banikazi asebagcwala ndawana yonke.
Izakhamizi zithi sezidiniwe ngokuhlala bezimuli ezimbili ngandlu nye ikakhulu njengoba izindlu lezi ezingezekhansili zingalungiswa lalapho sezinetha kuphahla kumbe izambuzi zingasasebenzi.
USithole uthi ikhansili ayilamali yokuqhuba inhlelo zayo ngendlela ekhwabithekayo ngoba abantu ababhadali. Uthi lanxa ikhansili yethule uluhlu lwendleko yayo yezigidi ezedlula ezilikhulu lengxenye- $153million eyomnyaka ozayo, ngendlela abantu abangabhadali ngayo akulathemba ukuthi limali izatholakala okutsho ukuthi ikhansili ayizukwanelisa ukuqhuba umsebenzi wayo ngemfanelo.
Uqhubeke esithi ye kade ikhansili yathembisa ukuthi izakhipha abantu abahlala bebanengi ngandlu lalabo abase ma-hostels kodwa ukusilela kwemali kwenza lokhu kubenzima njalo lemali yokulungisa impahla egugileyo ayikho.
Ohlala kulindawo, uNkosikazi Meltha Zulu, uthi umuzi weMakokoba ungabe uminyene kodwa abahlala kulindawo yibo abenza kungahlaleki ngenxa yobutshapha lokulahlela ingcekeza indawana yonke nje bona besazi ukuthi ikhansili ayenelisi ukuzabutha izibi njalonje. Uthi ingcekeza igcwele indawana yonke nje osokubize lemiyane ngakho kudingeka ukuthi izakhamizi zizinikele ekuhlanzeni lindawo.
Umhlangano lo ungenwe njalo ngowesifazana osebenza kunhlanganiso yezisebenzi, i- Zimbabwe Congress of Trade Unions, uNkosikazi Grace Mathe.
UMathe uthi kuqakathekile ukuthi izakhamiziz zizwisise ukuthi vele umsebenzi kakhansili ngowani ukwenzela ukuthi zazi ukuthi ncedo bani ezingaluthola kuye.
Wengeze esithi lanxa ukhansila ekhethwa emele ibandla, lapho esethe wafungiswa ukuqala umsebenzi kumele athwale izikhalazo zomuntu wonke ezisa ekhansilini ngoba ngumeli wendawo yonke.
IMakokoba ingenye yezindawo ezimbalwa eziseleyo koBulawayo lapho abantu abahlala endlini eyodwa bezimuli ezimbili. Lokhu sokwabangela ukuminyana kakhulu kusamelelwe ukuthi ikhansili iyakhe ezinye izindlu ukuze imuli lezi zehlukaniswe. Imuli lezi ezisebenzisa lezizindlu zibhadala imali ekhansilini nyanga zonke ngoba izindlu lezi lokhu ziyimphahla kakhansili.
IMakokoba lilokitshi elidala koBulawayo elakhiwa ngamakhiwa esakhela abesilisa kuphela ababesebenza kulelidolobho abesifazana bengavunyelwa kuthiwa bahlale emaphandleni.