BULAWAYO —
Ikhansili yakoBulawayo isiyehlise inani lensuku ezivalwa ngawo amanzi ngenhloso yokuwalondoloza lisuka kunsuku ezine lisiya kwezimbili kulandela ukuxoxisana okubekhona lomphathintambo wogatsha lwezemvelo, amanzi lokuguquka komkhathi, uMnumzana Savior Kasukuwere.
Isinqumo lesi sizakulandela ukwengezwa kwenani lamahola okumpompa amanzi avela kudamu le Mtshabezi osekufike kumamega litre alitshumi lanhlanu ngelanga.
Umbiko okhitshwe ngunobhala wedolobho, u Mnumzana Middleton Nyoni, uthi amanzi aseyavalwa okwamalanga amabili ngeviki endaweni zonke zedolobho, angavalwa enzinkini yedolobho lasendaweni elama industry.
Idholobho leli kade livalela izakhamizi amanzi okwensuku ezintathu ngeviki, kwezinye indawo okwensuku ezine kodwa khathesi indawo zonke sezizavalelwa okwensuku ezimbili kuphela kuthi ngamaSonto wonke abekhona endaweni zonke.
Kulandela umbiko lo, izakhamizi zithi ziyemukela lelinyathelo kodwa zithemba alithathwanga mahlayana nje okungenza idolobho liphelelwe ngamanzi kunyanga ezizayo.
UNkosikazi Janet Mlilo, oyisakhamuzi, uthi besebekhathele ngamanzi ahamba njalonje ngakho ukuletha amanzi amanengi avela edamu leMtshabezi kukhangelelwe ukwenza udubo lwamanzi lubenganeno kunyanga ezizayo.
Uthi kodwa kuqakathekile ukuthi izinqumo ezinje zithathwe ngemva kokuhlolisisa umumo kungabi yizinqumo zombusazwe ezijonge ukujabulisa uzulu kuphela kuletha inhlupho kwelakusasa.
UNkosikazi Margaret Hadebe, oyisakhamuzi njalo, uthi njengabomama abasebenzayo, ukuvalwa kwamanzi kubathwalise nzima kungakho isifiso sabo yikuthi uhulumende aphange alethe inhlelo ezizaqeda du loluhlupho.
Uthi kumele kube lamaqhinga okuthi izulu lingaphuza ukuna idolobho lizabamba sihlahla bani ukuthi lingabuyeli njalo ekuvalweni kwamanzi phose iviki yonke obesokusenzakala.
Ikhansili ixwayise njalo uzulu ukuthi aqhubeke esebenzisa amanzi ngonanzelelo ngoba asedamu alokhu engeneli idolobho lonke. Okwakhathesi, idolobho selayekela ukudonsa amanzi kumadamu amabili kulandela ukutsha kwawo.
Isinqumo lesi sizakulandela ukwengezwa kwenani lamahola okumpompa amanzi avela kudamu le Mtshabezi osekufike kumamega litre alitshumi lanhlanu ngelanga.
Umbiko okhitshwe ngunobhala wedolobho, u Mnumzana Middleton Nyoni, uthi amanzi aseyavalwa okwamalanga amabili ngeviki endaweni zonke zedolobho, angavalwa enzinkini yedolobho lasendaweni elama industry.
Idholobho leli kade livalela izakhamizi amanzi okwensuku ezintathu ngeviki, kwezinye indawo okwensuku ezine kodwa khathesi indawo zonke sezizavalelwa okwensuku ezimbili kuphela kuthi ngamaSonto wonke abekhona endaweni zonke.
Kulandela umbiko lo, izakhamizi zithi ziyemukela lelinyathelo kodwa zithemba alithathwanga mahlayana nje okungenza idolobho liphelelwe ngamanzi kunyanga ezizayo.
UNkosikazi Janet Mlilo, oyisakhamuzi, uthi besebekhathele ngamanzi ahamba njalonje ngakho ukuletha amanzi amanengi avela edamu leMtshabezi kukhangelelwe ukwenza udubo lwamanzi lubenganeno kunyanga ezizayo.
Uthi kodwa kuqakathekile ukuthi izinqumo ezinje zithathwe ngemva kokuhlolisisa umumo kungabi yizinqumo zombusazwe ezijonge ukujabulisa uzulu kuphela kuletha inhlupho kwelakusasa.
UNkosikazi Margaret Hadebe, oyisakhamuzi njalo, uthi njengabomama abasebenzayo, ukuvalwa kwamanzi kubathwalise nzima kungakho isifiso sabo yikuthi uhulumende aphange alethe inhlelo ezizaqeda du loluhlupho.
Uthi kumele kube lamaqhinga okuthi izulu lingaphuza ukuna idolobho lizabamba sihlahla bani ukuthi lingabuyeli njalo ekuvalweni kwamanzi phose iviki yonke obesokusenzakala.
Ikhansili ixwayise njalo uzulu ukuthi aqhubeke esebenzisa amanzi ngonanzelelo ngoba asedamu alokhu engeneli idolobho lonke. Okwakhathesi, idolobho selayekela ukudonsa amanzi kumadamu amabili kulandela ukutsha kwawo.