WASHINGTON DC —
Ukuxokozela lokudonselana amandla kuqhubekele phambili ebandleni leMDC-T namhla kulandela umhlangano wesiphangiphangi owedale elimqoka ele National Executive kuthi ele National Council lona lizahlangana kusasa esigodlweni sebandla leli, ese Harvest House.
Abazi ngokwenzakalayo bathi umhlangano wakusasa uzanquma ukuxotsha inkokheli yebandla eyenze umhlangano wokuxotsha uMnu. Morgan Tsvangirai lenye inkokheli yebandla.
Lelixuku libikwa likhokhelwa ngunobhala jikelele, uMnu. Tendai Biti.
KoBulawayo, lelibandla libikwa lenze umhlangano ovumelane ukusekela uTsvangirai.
Umsekeli wesikhulumeli sebandla, uMnu. Joel Gabhuza utshele iStudio Seven ukuba mpela bazahlangana kusasa kodwa kathandanga ukukhuluma ngokuzakhulunywa.
UChris Gande we Studio Seven uxoxe lesikhulumeli sexuku elikhokhelwa nguMnu. Biti, uMnu. Sam Sipepa Nkomo waqala ngokumbuza ukuba banxusiwe yini emhlanganweni wakusasa.
Igqwetha lalabo abasekela uMnu. Biti, uMnu. Jacob Mafume, utsele iStudio Seven ukuthi sebelobele umabhalane wedale lephalamende, uMnu. Austin Zvoma incwadi yokucela ukuba amalunga edale lephalamende engaxotshwa.
Kulamalunga alelidale ayithoba munwe munye akade ekhona emhlanganweni wangoMgqibelo.
UChris Gande weStudio Seven uxoxe njalo lengcwethi ecubungula ezombusazwe, uMnu. Nkululeko Sibanda othi sekusobala ukuba ibandla leMDC-T selidabuke njalo phakathi.
Abazi ngokwenzakalayo bathi umhlangano wakusasa uzanquma ukuxotsha inkokheli yebandla eyenze umhlangano wokuxotsha uMnu. Morgan Tsvangirai lenye inkokheli yebandla.
Lelixuku libikwa likhokhelwa ngunobhala jikelele, uMnu. Tendai Biti.
KoBulawayo, lelibandla libikwa lenze umhlangano ovumelane ukusekela uTsvangirai.
Umsekeli wesikhulumeli sebandla, uMnu. Joel Gabhuza utshele iStudio Seven ukuba mpela bazahlangana kusasa kodwa kathandanga ukukhuluma ngokuzakhulunywa.
UChris Gande we Studio Seven uxoxe lesikhulumeli sexuku elikhokhelwa nguMnu. Biti, uMnu. Sam Sipepa Nkomo waqala ngokumbuza ukuba banxusiwe yini emhlanganweni wakusasa.
Igqwetha lalabo abasekela uMnu. Biti, uMnu. Jacob Mafume, utsele iStudio Seven ukuthi sebelobele umabhalane wedale lephalamende, uMnu. Austin Zvoma incwadi yokucela ukuba amalunga edale lephalamende engaxotshwa.
Kulamalunga alelidale ayithoba munwe munye akade ekhona emhlanganweni wangoMgqibelo.
UChris Gande weStudio Seven uxoxe njalo lengcwethi ecubungula ezombusazwe, uMnu. Nkululeko Sibanda othi sekusobala ukuba ibandla leMDC-T selidabuke njalo phakathi.