WASHINGTON —
Umhlangano webandla leMDC Renewal Team owokukhetha inkokheli yalo entsha oweCongress uyaqala ngoLwesine eHarare njalo uphele ngoLwesihlanu.
NgoLwesithathu ingatsha zalelibandla ezithi iNational Management Committee, iNational Working Council leGeneral Council zihlangene zilungiselela umhlangano lo.
Ibandla leli, lona elibunjwe ngamalunga aphume kuMDC-T nyakenye agoqela uMnu Tendai Biti, uMnu Sam Sipepa Nkomo labanye, likhangelelwe ukuzipha igama elitsha, kutsho abazi ngokwenzakalayo.
UNkomo utshe iStudio 7 ukuthi bazakwazisa ngoLwesine oyabe esekhethiwe ukukhokhela lelibandla. Abanye bathi uBiti nguye olakho ukuthatha isikhundla lesi.
