HARARE —
Umthethwandaba waphezulu owe Supreme Court unqume ukuba ukhetho lwenziwe umhla ka 31 Ntulikazi engakedluli. Lesi sinqumo sethulwe kulandela isicelo esikhwezwe kulelidale ngumqondisi wenhlanganiso yeCentre for Democracy in Southern Africa uMnu. Jelous Mawarire, esithi uMongameli Mugabe akabanjwe ngamandla, ukwazisa usuku lokhetho umhlaka 29 Mabasa engakedluli.
Esethula lesi sinqumo, umahluli u Godfery Chidyausiku utshele idale ukuba kumele lwenziwe lolukhetho umhla ka 31 Ntulikazi engakedluli kulandelwa isigaba 58 ( 1 ) sesisekelo sombuso.
Igqwetha elize limele uMugabe kuloludaba uMnumzana Terrence Hussein utshele intathelizindaba ukuba bayakwamukela lokho okunqunywe lidale.
Ekhuluma lentathelizindaba, igqwetha lika Mawarire uMnumzana Joseph Mandizha uthe siyamjabulisa lesi sinqumo esinikezwe lidale leSupreme Court.
Lanxa iSupreme Court inqume kanje icele leMDC elikhokhelwa nguMnu. Morgan Tsvangirai lithi ukhetho kumele lwenziwe kuphela nxa iziqondiso ezavunyelanwa nguhulumende womanyano zingagcwaliswa zonke okuyikho ozakwandulela ukhetho olukhululekileyo njalo olulokuthula.
Isikhulumeli saleli bandla uMnu Douglas Mwonzora uthi lokhu akumelanga kuthathe isikhathi eside ukuthi kulungisiswe okwasala kulenga.
Isinqumo seSupreme Court lesi senziwa ngesikhathi uhulumende ekhala ngokuthi akala mali yokuqhuba ukhetho. Ngakwelinye icele inhlanganiso yomanyano wamazwe angezansi kwezwekazi leAfrica awe SADC ikhangelelwe ukubamba umhlangano wesiphangi phangi wokuhlaziya okwenzakala eZimbabwe kanye lokudinga indlela zokuthi lithole imali yokuqhuba ukhetho olukhululekileyo njalo olulokuthula.
Esethula lesi sinqumo, umahluli u Godfery Chidyausiku utshele idale ukuba kumele lwenziwe lolukhetho umhla ka 31 Ntulikazi engakedluli kulandelwa isigaba 58 ( 1 ) sesisekelo sombuso.
Igqwetha elize limele uMugabe kuloludaba uMnumzana Terrence Hussein utshele intathelizindaba ukuba bayakwamukela lokho okunqunywe lidale.
Ekhuluma lentathelizindaba, igqwetha lika Mawarire uMnumzana Joseph Mandizha uthe siyamjabulisa lesi sinqumo esinikezwe lidale leSupreme Court.
Lanxa iSupreme Court inqume kanje icele leMDC elikhokhelwa nguMnu. Morgan Tsvangirai lithi ukhetho kumele lwenziwe kuphela nxa iziqondiso ezavunyelanwa nguhulumende womanyano zingagcwaliswa zonke okuyikho ozakwandulela ukhetho olukhululekileyo njalo olulokuthula.
Isikhulumeli saleli bandla uMnu Douglas Mwonzora uthi lokhu akumelanga kuthathe isikhathi eside ukuthi kulungisiswe okwasala kulenga.
Isinqumo seSupreme Court lesi senziwa ngesikhathi uhulumende ekhala ngokuthi akala mali yokuqhuba ukhetho. Ngakwelinye icele inhlanganiso yomanyano wamazwe angezansi kwezwekazi leAfrica awe SADC ikhangelelwe ukubamba umhlangano wesiphangi phangi wokuhlaziya okwenzakala eZimbabwe kanye lokudinga indlela zokuthi lithole imali yokuqhuba ukhetho olukhululekileyo njalo olulokuthula.