WASHINGTON DC —
Ibandla leMDC-T lithi lizaqhuba ukhetho lwalo lwamaprimaries ngoMgqibelo ezigabeni ezitshiyeneyo zelizwe lapho amalunga edale lephalamende angatholanga khona usekelo olwaneleyo lokuthi amele njalo izigaba zawo kukhetho oluzayo.
Iziphathamandla zalelibandla zithi ukhetho lolu luzaphela ngeSonto.
Amalunga eMDC-T ehluleke ukuthola usekelo olwaneleyo ukuthi evike ama-primaries agoqela uMnu Felix Magalela Mafa (Magwegwe), uMnu Samuel Sandla Khumalo (Pelandaba-Mpopoma), uMnu Fidelis Mashu (Chitungwiza North), uMnu Heneri Dzinotyiwei (Budiriro), uMnu Gift Mabhena (Hwange West) labanye abanengi.
Kunjalo nje, ibandla leZanu PF selize laphuma lelanga lapho elizaqhuba khona ukhetho lwalo lwama-primary elections. Lelibandla lithi lizaqhuba lolukhetho mhlaka 24 kulinyanga.
Besesiside isikhathi iZanu PF ikhulumisana kodwa isehluleka ukuphuma lelanga lama-primaries ayo ngenxa yokudonselana okukhona phakathi kwayo.
Lelibandla lethule njalo iziqondiso ezimele zilandelwe ngabafuna ukuncintisa ezigoqela esokuthi abafuna ukuba ngamalunga edale leSenate kumele babeleminyaka yokuzalwa engamatshumi amane kumbe ephezulu.
Kumele njalo babe lobufakazi bokuthi baleminyaka emihlanu bengamalunga ebandla kanye lokuthi balembali yokusekela imizamo yokuthola uzibuse wabensundu lokuthuthikisa nje ilizwe leZimbabwe.
"Kusasa (ngoMgqibelo) sizakuba silama inter-districts lapho esizakwamukela khona amaCV alabo abafuna ukuncintisa ukuze sibone ukuthi ngabantu abanjani," kutsho isikhulumeli seZanu PF uMnu Rugare Gumbo.
"NgeSonto sizabe sihlangana njengeProvincial Coordinating Committee sibona ukuthi abafuna ukuncintisa laba ngabantu abanjani, besesidlulisela amaphepha ang'khona kuElectoral Directorate."
Iziphathamandla zalelibandla zithi ukhetho lolu luzaphela ngeSonto.
Amalunga eMDC-T ehluleke ukuthola usekelo olwaneleyo ukuthi evike ama-primaries agoqela uMnu Felix Magalela Mafa (Magwegwe), uMnu Samuel Sandla Khumalo (Pelandaba-Mpopoma), uMnu Fidelis Mashu (Chitungwiza North), uMnu Heneri Dzinotyiwei (Budiriro), uMnu Gift Mabhena (Hwange West) labanye abanengi.
Kunjalo nje, ibandla leZanu PF selize laphuma lelanga lapho elizaqhuba khona ukhetho lwalo lwama-primary elections. Lelibandla lithi lizaqhuba lolukhetho mhlaka 24 kulinyanga.
Besesiside isikhathi iZanu PF ikhulumisana kodwa isehluleka ukuphuma lelanga lama-primaries ayo ngenxa yokudonselana okukhona phakathi kwayo.
Lelibandla lethule njalo iziqondiso ezimele zilandelwe ngabafuna ukuncintisa ezigoqela esokuthi abafuna ukuba ngamalunga edale leSenate kumele babeleminyaka yokuzalwa engamatshumi amane kumbe ephezulu.
Kumele njalo babe lobufakazi bokuthi baleminyaka emihlanu bengamalunga ebandla kanye lokuthi balembali yokusekela imizamo yokuthola uzibuse wabensundu lokuthuthikisa nje ilizwe leZimbabwe.
"Kusasa (ngoMgqibelo) sizakuba silama inter-districts lapho esizakwamukela khona amaCV alabo abafuna ukuncintisa ukuze sibone ukuthi ngabantu abanjani," kutsho isikhulumeli seZanu PF uMnu Rugare Gumbo.
"NgeSonto sizabe sihlangana njengeProvincial Coordinating Committee sibona ukuthi abafuna ukuncintisa laba ngabantu abanjani, besesidlulisela amaphepha ang'khona kuElectoral Directorate."