Ikhomisheni ebona ngezokhetho, eye Zimbabwe Electoral Commission ithi isithole iamadola angaba yizigidi ezilitshumi lanye, $11 million lohlelo lwabavota bengekho ezigabeni zabo, olwe special vote oluqala ngesonto.
Umgcinisihlalo we ZEC, uNkosikazi Rita Makarau utshele intathelizindaba namhla eHarare ukuthi lolukhetho luzakwenziwa enkambeni zamapholisa lamasotsha. UMakarau uthi kulabantu abangaba zinkulungwane ezedlula ezilikhulu-120 000 abakhangelelwe ukuvota phansi kohlelo lolu olwenzela amasotsha, amapholisa labamela eleZimbabwe emazweni.
UMakarau uthe amavoti la azagcinwa emelele usuku lapho uzulu wonke azavota khona. Wazise ukuthi intathelizindaba eziyabe zisebenzela phandle kwezigaba zazo, ezazifake isicelo sokusebenzisa loluhlelo kazisoze zivunyelwe ukuvota ngoba umthetho ungazivumeli.
Kunjalo nje, sixoxe lonobhala obona ngezokuqutshwa kokhetho kucele leMDC elikhokhelwa nguMnu. Welshman Ncube, uNkosazana Hellen Shiriyedenga othi bacele iZEC ukuthi ibachasisele ukuthi ngobani abazahlola ukuthi akulakuqilibezelwa kuhlelo lolu.
Umgcinisihlalo we ZEC, uNkosikazi Rita Makarau utshele intathelizindaba namhla eHarare ukuthi lolukhetho luzakwenziwa enkambeni zamapholisa lamasotsha. UMakarau uthi kulabantu abangaba zinkulungwane ezedlula ezilikhulu-120 000 abakhangelelwe ukuvota phansi kohlelo lolu olwenzela amasotsha, amapholisa labamela eleZimbabwe emazweni.
UMakarau uthe amavoti la azagcinwa emelele usuku lapho uzulu wonke azavota khona. Wazise ukuthi intathelizindaba eziyabe zisebenzela phandle kwezigaba zazo, ezazifake isicelo sokusebenzisa loluhlelo kazisoze zivunyelwe ukuvota ngoba umthetho ungazivumeli.
Kunjalo nje, sixoxe lonobhala obona ngezokuqutshwa kokhetho kucele leMDC elikhokhelwa nguMnu. Welshman Ncube, uNkosazana Hellen Shiriyedenga othi bacele iZEC ukuthi ibachasisele ukuthi ngobani abazahlola ukuthi akulakuqilibezelwa kuhlelo lolu.