BULAWAYO —
UDetective Assistant Inspector Alois Gakata kanye labasebenza ngaphansi kwakhe uDetective Sergeant Wellington Jena, uDetective Constable Shadreck Rore kanye la Detective Ronald Dube bamiswe phambi komthethwandaba kamantshi Mushove besetheswa icala lokufumbathiswa inkulungwane ezilitshumi zamadola-$10 000, ukuze bakhulule imota yamalunga eqembu labazingela indlovu okungekho emthethweni abayimisa bathola ilempondo zendlovu eHarare ngesikhathi ihamba ngoClever Khumalo lo Sipho Mafu.
Izincwadi zomthethwandaba ezibonwe yiStudio 7 ziveza ukuthi abathathu laba baqanjwe ngu Khumalo lo Mafu njengamapholisa ababamise ngoNcwabakazi womnyaka ophelileyo e Harare behamba ngemota yohlobo lwe Toyota Hilux yomka Anna Moyo ohlala ku Number 16 734 Millas Road e Romney Park koBulawayo njalo olilunga leqembu lasebeqede indlovu ngetshefu e Hwange.
Omunye wamapholisa asebenza nsitha kuhlangothi lwe Fraud Section eHarare kanye labasebenza ngaphansi kwakhe abathathu abasolelwa ukuthi bafumbathiswe inkulungwane ezilitshumi zamadollar- $10 000 liqembu lababulale indlovu ngokuzifakela itshefu eHwange umiswe phambi komthethwandaba kamantshi Gladmore Mushove wakoBulawayo ngoMvulo.
Lezompondo zibikwa zazisiyathengiswa e Harare lapho okulamanye amalunga eqembu labazingela okungekho emthethweni ngetshefu yohlobo lwe cyanide ababalisela u Daniel Mba, Mthandazo Tshuma, umama oqanjwe njengo Mayi Rumbi, u Anna Mvereche kanye lo Elfina Mzizi.
Izincwadi zomthethwandaba zithi ababili laba babalekele amapholisa batshiya imota lempondo okubangele ukuthi ithathwe ngamapholisa. Amapholisa abikwa elandelele aze ayathola ukuthi umnikazi wemota ngumka Moyo njalo ubengazi lutho ngokuthi imota yakhe ibithwele impondo ngoba umkakhe emtshele amanga wathi uyibolekela ukuyabona udadewabo ogulayo eKwekwe.
Umthethwandaba uthi ngemva kwensukwana bethole umnikazi wemota, amapholisa amane ayekhokhelwe ngu Detective Assistant Inspector Gakata ahlangane lo Khumalo lo Mafu abazisa ukuthi afuna inkulungwane ezilitshumi zamadola ($10 000) ukuze akhulule imota ibuyele kumnikazi. UKhumalo lo Mafu babhadale inkulungwane ezintathu ($3 000) kuDube, u Rore kanye loJena.
Umthethwandaba uthi amapholisa amathathu la asuke e Harare aya koBulawayo ngemva kweviki lapho afike aphiwa inkulungwane eziyisikhombisa zamadola-$7000, eyayisele asehamba loMafu loKhumalo eHarare ukuyathatha imota. Bathi befika eNorton, kwamiswa imota ibikwa imisiwe abacuphi befonela omkhulu wabo u Gakata qede baya endlini bayakwehlukaniselana imali ababeyitholile.
Abazingeli uKhumalo lo Mafu babikwa balale eCraneborne Police Station endlini yepholisa eliqanjwe kuphela njengo Musoma bavuka ekuseni bathatha imota babuyela koBulawayo. Umantshi unqume ukuthi amapholisa amane la ahlale esitokisini emelele ukuthethwa kwecala lawo okuzaqhubeka ngoLwesibili.
Izincwadi zomthethwandaba ezibonwe yiStudio 7 ziveza ukuthi abathathu laba baqanjwe ngu Khumalo lo Mafu njengamapholisa ababamise ngoNcwabakazi womnyaka ophelileyo e Harare behamba ngemota yohlobo lwe Toyota Hilux yomka Anna Moyo ohlala ku Number 16 734 Millas Road e Romney Park koBulawayo njalo olilunga leqembu lasebeqede indlovu ngetshefu e Hwange.
Omunye wamapholisa asebenza nsitha kuhlangothi lwe Fraud Section eHarare kanye labasebenza ngaphansi kwakhe abathathu abasolelwa ukuthi bafumbathiswe inkulungwane ezilitshumi zamadollar- $10 000 liqembu lababulale indlovu ngokuzifakela itshefu eHwange umiswe phambi komthethwandaba kamantshi Gladmore Mushove wakoBulawayo ngoMvulo.
Lezompondo zibikwa zazisiyathengiswa e Harare lapho okulamanye amalunga eqembu labazingela okungekho emthethweni ngetshefu yohlobo lwe cyanide ababalisela u Daniel Mba, Mthandazo Tshuma, umama oqanjwe njengo Mayi Rumbi, u Anna Mvereche kanye lo Elfina Mzizi.
Izincwadi zomthethwandaba zithi ababili laba babalekele amapholisa batshiya imota lempondo okubangele ukuthi ithathwe ngamapholisa. Amapholisa abikwa elandelele aze ayathola ukuthi umnikazi wemota ngumka Moyo njalo ubengazi lutho ngokuthi imota yakhe ibithwele impondo ngoba umkakhe emtshele amanga wathi uyibolekela ukuyabona udadewabo ogulayo eKwekwe.
Umthethwandaba uthi ngemva kwensukwana bethole umnikazi wemota, amapholisa amane ayekhokhelwe ngu Detective Assistant Inspector Gakata ahlangane lo Khumalo lo Mafu abazisa ukuthi afuna inkulungwane ezilitshumi zamadola ($10 000) ukuze akhulule imota ibuyele kumnikazi. UKhumalo lo Mafu babhadale inkulungwane ezintathu ($3 000) kuDube, u Rore kanye loJena.
Umthethwandaba uthi amapholisa amathathu la asuke e Harare aya koBulawayo ngemva kweviki lapho afike aphiwa inkulungwane eziyisikhombisa zamadola-$7000, eyayisele asehamba loMafu loKhumalo eHarare ukuyathatha imota. Bathi befika eNorton, kwamiswa imota ibikwa imisiwe abacuphi befonela omkhulu wabo u Gakata qede baya endlini bayakwehlukaniselana imali ababeyitholile.
Abazingeli uKhumalo lo Mafu babikwa balale eCraneborne Police Station endlini yepholisa eliqanjwe kuphela njengo Musoma bavuka ekuseni bathatha imota babuyela koBulawayo. Umantshi unqume ukuthi amapholisa amane la ahlale esitokisini emelele ukuthethwa kwecala lawo okuzaqhubeka ngoLwesibili.