Lanxa ibandla leZanu PF lisithi ukungena kwesikhulu sakwele Nigeria kwezamabhizimusi eZimbabwe uMnu Aliko Dangote kuzanceda ukuvuselela umnotho, abanengi bathi uhulumende seyehlulekile njalo sokumele akhulumisane lamanye amabandla kudingwe amaqhinga okulungisa ilizwe.
UMnu Dangote uhlangane loMongameli Robert Mugabe kuliviki wathembisa ukuthi uzasungula ibhizimusi engena kuzigidi lezigidi zamadola eZimbabwe.
Kodwa abanye bathi akulalutho oluzaphuma lapha, besithi okudingakalayo yikuthi ibandla leZanu PF livume ukuthi selehlulekile likhulumisane lamanye amabandla kubunjwe uhulumende womanyano.
Ilunga leZanu PF uMnu Effort Nkomo lengcwethi kwezombusazwe uMnumzana Nkululeko Sibanda baphe imbono yabo ehlukileyo ngesimo sezombusazwe lesenotho elizweni kungxoxompikiswano abayenzileyo kuStudio 7.
