Isabelo seChitungwiza ebandleni leMDC-T sesikhethe abantu abazasimela kukhetho lokudinga inkokheli emhlanganweni walelo bandla omkhulu oweCongress.
Lesi sabelo sibikwa sivumelene kodwa ukuthi umkhokheli webandla umnumzana Morgan Tsvangirai, umsekeli wakhe unkosazana Thokozani Khuphe, umgcinisihlalo webandla umnumzana Lovemore Moyo kanye lomsekeli wakhe umnumzana morgen Komichi kabasoze bacintiswe kule icongress ezaqhutshwa ngenyang’ezayo kaMfumfu.
Sibikwa njalo sikhethe umnumzana Nelson Chamisa ukuthi acintise engunobhala jikelele esekelwa ngumnumzana Tapiwa Mashakada. Unkosikazi Theresa Makone ubikwa ezancintisa njengemgciningcebo, umnumzana douglas Mwonzora wabiselwa esikhundleni sakhe sokuba yisikhulumeli sebandla leli. Izabelo ezilithumi zibikwa zingakaphumi lamabizo abazacintisa ezikhundleni ezehlukeneyo.
Kodwake ummeli weBulawayo East edaleni lephalamende unkosazana Thabitha Khumalo ozacintisa esikhundleni somsekeli wesikhulumeli sebandla uthi lanxa isigaba sakhe singakaphumi lamabizo kulabanye abakulesi sigaba asebemcele ukuthi acintise, okuyinto ebikwa nguMwonzora ukuthi kayikho emthethweni.
UMaKhumalo uxoxe loJonga Kandemiri weStudio 7 ngokwenzakalayo ebandleni lakhe koBulawayo.
