WASHINGTON DC —
Akubizwa ozwayo ngoMgqibelo lapho kungqikilana amaqembu enguqu athi i-Shabanie Mine le FC Platinum emncintisweni wenkezo ye Banc-ABC Super8 Cup Final enkundleni ye-Mandava Stadium eZvishavane.
Abaqeqetshi labalandeli bamaqembu la bathi zindala zombili ngesikhathi amaqembu la edibana okukuqala kumcintiswano wenkezo ezaphiwa elizanqoba.
Bathi akukaze kwenzakale lokhu edolobheni leZvishavane ngakhoke bakhangelele inani eliphezulu labalandeli benguqu abazathi gwaqa kulelodolobho.
UMasimba Dinyero, umsekeli womqeqetshi we FC Platinum, uthi abadlali bakhe sebelolongwe okumangalisayo ngakho-ke sebekhangelele ukunqoba iShabanie Mine. Uthi sokulesikhathi eside iqembu lakhe lacina ukuthola isicoco emdlalweni onjenge Banc-ABC Cup.
ULuke Masomere, umqeqetshi we Shabanie Mine uthi abadlali bakhe bazimisele ukukhumuka inyawo emdlalweni lo.
Iqembu elizanqoba lizathola inkulungwane ezilikhulu lamatshumi amabili amadollar eMelika - $120,000. IShabanie Mine isanda kunqoba i-FC Platinum emdlalweni we Castle Lager Premier Soccer League.
Abaqeqetshi labalandeli bamaqembu la bathi zindala zombili ngesikhathi amaqembu la edibana okukuqala kumcintiswano wenkezo ezaphiwa elizanqoba.
Bathi akukaze kwenzakale lokhu edolobheni leZvishavane ngakhoke bakhangelele inani eliphezulu labalandeli benguqu abazathi gwaqa kulelodolobho.
UMasimba Dinyero, umsekeli womqeqetshi we FC Platinum, uthi abadlali bakhe sebelolongwe okumangalisayo ngakho-ke sebekhangelele ukunqoba iShabanie Mine. Uthi sokulesikhathi eside iqembu lakhe lacina ukuthola isicoco emdlalweni onjenge Banc-ABC Cup.
ULuke Masomere, umqeqetshi we Shabanie Mine uthi abadlali bakhe bazimisele ukukhumuka inyawo emdlalweni lo.
Iqembu elizanqoba lizathola inkulungwane ezilikhulu lamatshumi amabili amadollar eMelika - $120,000. IShabanie Mine isanda kunqoba i-FC Platinum emdlalweni we Castle Lager Premier Soccer League.