HARARE —
Idale leHigh Court eHarare livimbe inhlanganiso yeResearch and Advocacy Unit ukuthi yethule impumela yenhlolisiso eyenze phezu koluhlu lweVoters Roll. IHigh Court ithethe isinqumo lesi ngemva kokuba icelwe nguRegistrar General uMnu Tobaiwa Mudede.
Emhlanganweni lentathelizindaba emahofisini awe Belvedere eHarare ngoLwesithathu, umkhokheli we RAU uNkosazana Kuda Chitsike uveze ukuba bathole sekulogwalo ekuseni emahofisini abo, lokubavimba ukuqhuba umkhosi wokuphawula impumela yenhlolisiso eyenziwe yilenhlanganiso phezu kwesimo sogwalo loluhlu lwabalelungelo lokuvota olwe Voters’ Role.
UChitsike uthi akubekwanga ngendlela obekuphezu kwalomkhosi edabeni lolu ngoba luphume angathi bekusitsho ukuba abenhlanganiso yakhe befuna ukuqhuba umhlangano wokuphawula ugwalo lwe Voters’ Role olutsha.
Igqwetha le RAU elisebenzela inhlanganiso yamagqwetha alwela ilungelo loluntu iZimbabwe Lawyers for Human Rights, uMnumzana Jeremiah Bhamu, utshele intathelizindaba ukuba sebebhalele amagqwetha kaMudede bebazisa ngesimo esiyiso phezu kwaloludaba baxwayiswa njalo ukuba balususe edale le High Court loludaba njengoba lungaqondanga.
Abe RAU bathi impumela yenhlolisiso abekade befuna ukuyiphawula ngoLwesithathu, kodwa bavinjwa kulokho nguMudede, iveze okumbalwa okungaqondanga phezu kokumunyethwe yilolugwalo lwabalelungelo lokuvota iVoters’ Role, ngemva kohlelo lokubhaliswa kukazulu ukuba anelise ukuvhota kukhetho lwalalonyaka iMobile Voter’s Registration.
Bathi sekuvele njalo ukuba bedlula labo ababethwe yi Census ababhalise ukuthi bavhote eziqintini ezingamatshumi ayisithupha lantathu-63 Districts.
Kuvele njalo ukuba phose izigidi ezimbili zalabo abaleminyaka engaphansi kwengamatshumi amathathu kababhaliswanga kulolugwalo kutsho abe RAU.
Inengi labo bengabaleminyaka ephakathi kwelitshumi lasitshiyagalombili kusiya kwelitshumi lasitshiyagalolunye.
Abe RAU bathi sekuvele njalo ukuba bedlula isigidi asebabhubhayo lasebaya kwamanye amazwe abalamagama abo alokhe esakhona kuVoters Role.
Ukuhlaziya loludaba uNtungamili Nkomo weStudio Seven uxhume ingcwethi kwezombusazwe uMnumzana Rejoice Ngwenya.
Emhlanganweni lentathelizindaba emahofisini awe Belvedere eHarare ngoLwesithathu, umkhokheli we RAU uNkosazana Kuda Chitsike uveze ukuba bathole sekulogwalo ekuseni emahofisini abo, lokubavimba ukuqhuba umkhosi wokuphawula impumela yenhlolisiso eyenziwe yilenhlanganiso phezu kwesimo sogwalo loluhlu lwabalelungelo lokuvota olwe Voters’ Role.
UChitsike uthi akubekwanga ngendlela obekuphezu kwalomkhosi edabeni lolu ngoba luphume angathi bekusitsho ukuba abenhlanganiso yakhe befuna ukuqhuba umhlangano wokuphawula ugwalo lwe Voters’ Role olutsha.
Igqwetha le RAU elisebenzela inhlanganiso yamagqwetha alwela ilungelo loluntu iZimbabwe Lawyers for Human Rights, uMnumzana Jeremiah Bhamu, utshele intathelizindaba ukuba sebebhalele amagqwetha kaMudede bebazisa ngesimo esiyiso phezu kwaloludaba baxwayiswa njalo ukuba balususe edale le High Court loludaba njengoba lungaqondanga.
Abe RAU bathi impumela yenhlolisiso abekade befuna ukuyiphawula ngoLwesithathu, kodwa bavinjwa kulokho nguMudede, iveze okumbalwa okungaqondanga phezu kokumunyethwe yilolugwalo lwabalelungelo lokuvota iVoters’ Role, ngemva kohlelo lokubhaliswa kukazulu ukuba anelise ukuvhota kukhetho lwalalonyaka iMobile Voter’s Registration.
Bathi sekuvele njalo ukuba bedlula labo ababethwe yi Census ababhalise ukuthi bavhote eziqintini ezingamatshumi ayisithupha lantathu-63 Districts.
Kuvele njalo ukuba phose izigidi ezimbili zalabo abaleminyaka engaphansi kwengamatshumi amathathu kababhaliswanga kulolugwalo kutsho abe RAU.
Inengi labo bengabaleminyaka ephakathi kwelitshumi lasitshiyagalombili kusiya kwelitshumi lasitshiyagalolunye.
Abe RAU bathi sekuvele njalo ukuba bedlula isigidi asebabhubhayo lasebaya kwamanye amazwe abalamagama abo alokhe esakhona kuVoters Role.
Ukuhlaziya loludaba uNtungamili Nkomo weStudio Seven uxhume ingcwethi kwezombusazwe uMnumzana Rejoice Ngwenya.