BULAWAYO LEWASHINGTON DC —
Umqeqetshi weqembu labadlali benguqu elimela iZimbabwe elama Warriors, uIan Gorowa, ubikwa engayindawo lobanje iqembu leli likhitshwe kumcintiswano we2015 Africa Nations Cup ngele Tanzania ngeSonto.
Abazi ngokwenzakalayo enhlanganisweni eqondisa umdlalo wenguqu eye Zimbabwe Football Association batshele iStudio 7 ukuthi uGorowa uzonde okwamagama ngokunqotshwa kwamaWarriors yiTanzania lona elikusibanga esiphansi engalanini yeFIFA World Coca Cola Rankings. Bathi uGorowa ufuna ukuthi abaqondisi beZifa banike amaWarriors isikhathi esifaneleyo sokulungiselela imidlalo.
AbeZifa bayalile ukukhuluma ngokuthi kuzakwenzakalani njengoba iqembu lamaWarriors selikhe phansi kunkezo le. Abalandeli bomdlalo wenguqu eZimbabwe balokudana okukhulu ngemva kokukhitshwa kwama Warriors emncintisweni wokudinga amaqembu azakuyadlala emidlalweni yezwekazi lase Africa ngomnyaka ozayo.
Limpumela idale ukufuthelana okukhulu kubalandeli bomdlalo wenguqu bona abaveze ukungajabuli kwabo lapho abaxhumana khona ebulenjini kulabanye abasola isenzo sabadlali esokukhalala umsebenzi phambilini komdlalo ikanti abanye bebesola indlela okukhethwa ngayo abadlali ngabaqeqetshi abakhokhelwa ngu Ian Gorowa.
Obukele lumdlalo kumabonakude uNation Ncube uthi kumele iqembu lesizwe lidilizwe libunjwe kakutsha ukuze kutholakale abadlali abangcono.
Ukwehluka kweqembu le Zimbabwe ukudlulela kusigaba esilandelayo kumncintiswano we Afcon kutsho ukuba lizahlala iminyaka embalwa lingaphatheki kumidlalo yezinga laphezulu njengoba imidlalo elandelayo eye Afcon izakuba khona ngo 2017 kuthi eyezizwe zomhlaba izakuba khona ngo 2018.
Ukuhlaziya lolu daba lokudliwa kwamaWarriors liqembu elimela eleTanzania ukuthi kutshoni, uGibbs Dube weStudio Seven uxoxe lengcwethi ecubungula ezemidlalo uMuziwethu Hadebe. Ingcwethi le ithi sokumele iZifa ihlele kahle inhlelo zayo ukwenzela ukuvuselela umdlalo wenguqu kwele Zimbabwe.
Abazi ngokwenzakalayo enhlanganisweni eqondisa umdlalo wenguqu eye Zimbabwe Football Association batshele iStudio 7 ukuthi uGorowa uzonde okwamagama ngokunqotshwa kwamaWarriors yiTanzania lona elikusibanga esiphansi engalanini yeFIFA World Coca Cola Rankings. Bathi uGorowa ufuna ukuthi abaqondisi beZifa banike amaWarriors isikhathi esifaneleyo sokulungiselela imidlalo.
AbeZifa bayalile ukukhuluma ngokuthi kuzakwenzakalani njengoba iqembu lamaWarriors selikhe phansi kunkezo le. Abalandeli bomdlalo wenguqu eZimbabwe balokudana okukhulu ngemva kokukhitshwa kwama Warriors emncintisweni wokudinga amaqembu azakuyadlala emidlalweni yezwekazi lase Africa ngomnyaka ozayo.
Limpumela idale ukufuthelana okukhulu kubalandeli bomdlalo wenguqu bona abaveze ukungajabuli kwabo lapho abaxhumana khona ebulenjini kulabanye abasola isenzo sabadlali esokukhalala umsebenzi phambilini komdlalo ikanti abanye bebesola indlela okukhethwa ngayo abadlali ngabaqeqetshi abakhokhelwa ngu Ian Gorowa.
Obukele lumdlalo kumabonakude uNation Ncube uthi kumele iqembu lesizwe lidilizwe libunjwe kakutsha ukuze kutholakale abadlali abangcono.
Ukwehluka kweqembu le Zimbabwe ukudlulela kusigaba esilandelayo kumncintiswano we Afcon kutsho ukuba lizahlala iminyaka embalwa lingaphatheki kumidlalo yezinga laphezulu njengoba imidlalo elandelayo eye Afcon izakuba khona ngo 2017 kuthi eyezizwe zomhlaba izakuba khona ngo 2018.
Ukuhlaziya lolu daba lokudliwa kwamaWarriors liqembu elimela eleTanzania ukuthi kutshoni, uGibbs Dube weStudio Seven uxoxe lengcwethi ecubungula ezemidlalo uMuziwethu Hadebe. Ingcwethi le ithi sokumele iZifa ihlele kahle inhlelo zayo ukwenzela ukuvuselela umdlalo wenguqu kwele Zimbabwe.