Uskomitshi wezokhetho, iZimbabwe Electoral Commission (ZEC) uMnu Qhubani Moyo uthi ipholisa elimlindayo lizidubule ngesizatho sokuzibulala ngoLwesihlanu emuzini wakhe ko Bulawayo.
UMoyo wazise ngesehlakalo lesi embikweni awethule enkundleni yeFacebook ngoLwesihlanu kodwa kasacacanga ukuthi kuhamba njani ngoba yena ubese Harare.
“Kulesiga esenzakale endlini yami lapho ilunga logatsha lwamapholisa olweProtection Unit elidutshulwe khona njalo ngikhuluma nje lithe daca echibini legazi. Injongo kasikabi yazi,” kulobe uMoyo ebulenjini bokuxhumana, iFacebook, ngoLwesihlanu.
Sizamile ukukhuluma loMoyo kodwa ubengaphenduli ucingo lwakhe ngoLwesihlanu ngemva kokuthi simfonele ngoMgqibelo.
Kodwa eloba ebulenjini be Facebook uMoyo uthe: "Sengisendlini lapho esengithole ukuthi ipholisa ebelingilinda lizidubule lalimali kabuhlungu kodwa liyaphila."
Isikhulumeli samapholisa uNkosikazi Charity Charamba uthe ubengakezwa lutho ngalokhu.
Kubikwa ipholisa leli limele kakhulu kodwa lisetshelwa esibhedlela esingaqanjwanga ngegama.
Udaba lolu beselulethe ukwesaba ngoba abantu bebecabangela ukuthi lelipholisa belidutshulwe kanti hatshi.