WASHINGTON DC —
Idale lephalamende likhangelelwe ukuhlaziya umumo wendlala ngoLwesine.
Indlala ibhahile endaweni ezitshiyeneyo zelizwe ezigoqela izabelo zeMatabeleland, iMidlands, iMasvingo lezinye izigaba zeMashonaland.
Amalunga ephalamende akhangelelwe ukuphatha loludaba kabanzi akhuthaze uhulumende ukuthi adingele uzulu ukudla njalo avumele inhlanganiso ezizimeleyo ukuthi zabele uzulu ukudla kungela migoqo.
Inhlanganiso yomanyano wamazwe womhlaba ebona ngokubuthanisela ukudla uzulu owemazweni abhekane lendlala embi emhlabeni jikelele eyeWorld Food Program (WFP) ithi abantu abedlula izigidi ezimbili, 2.2 million eZimbabwe, bakhangelane lendlala embi njalo kuzadingeka ukuthi badingelwe ukudla kuze kuyefika isivuno somnyaka ozayo.
IBinga ngenye yendawo ezihlaselwe kakubi yindlala kanye lokusilela kwamanzi. Umgcinisihlalo wekhansili yalesisigaba uMnu Mukombwe Dube uthi uhulumende kumele adingele uzulu ukudla ngokuphngisa.
"Abantu beBinga abavunanga kuhle njalo lezulu alinanga kuhle kumnyaka ophelileyo. Ngalokho silama-ward amanengi alabantu abalambayo abadinga ukudla," kutsho uMnu Dube.
Indlala ibhahile endaweni ezitshiyeneyo zelizwe ezigoqela izabelo zeMatabeleland, iMidlands, iMasvingo lezinye izigaba zeMashonaland.
Amalunga ephalamende akhangelelwe ukuphatha loludaba kabanzi akhuthaze uhulumende ukuthi adingele uzulu ukudla njalo avumele inhlanganiso ezizimeleyo ukuthi zabele uzulu ukudla kungela migoqo.
Inhlanganiso yomanyano wamazwe womhlaba ebona ngokubuthanisela ukudla uzulu owemazweni abhekane lendlala embi emhlabeni jikelele eyeWorld Food Program (WFP) ithi abantu abedlula izigidi ezimbili, 2.2 million eZimbabwe, bakhangelane lendlala embi njalo kuzadingeka ukuthi badingelwe ukudla kuze kuyefika isivuno somnyaka ozayo.
IBinga ngenye yendawo ezihlaselwe kakubi yindlala kanye lokusilela kwamanzi. Umgcinisihlalo wekhansili yalesisigaba uMnu Mukombwe Dube uthi uhulumende kumele adingele uzulu ukudla ngokuphngisa.
"Abantu beBinga abavunanga kuhle njalo lezulu alinanga kuhle kumnyaka ophelileyo. Ngalokho silama-ward amanengi alabantu abalambayo abadinga ukudla," kutsho uMnu Dube.