JOHANNESBURG —
Inhlanganiso ye Peace and Democracy Project, ebunjwe yizizalwane ze Zimbabwe kwele South Africa, isikhuthaze inkokhele zamacele womabili awe MDC, uMnumnzana Morgan Tsvangirai loMnunzana Welshman, Ncube ukuthi batshiye izikhundla zokukhokhela kungene abanye abazamanyanisa amacele womabili.
Linhlanganiso ithi ukuxabana kwababili laba yikho osekwenze iZimbabwe yehluleka ukuthola umbuso ohlonipha intando kazulu kusukela iMDC ibunjwa ngo 1999. UBenedict Nhlapho usipha loludaba eseJohannesburg Kwele South Africa.
Ekhuluma le Studio 7 eJohannesburg lamhlanje, obona ngokuqoqwa kwenhlelo zenhlanganiso ye Peace and Democracy Project, uMnumnzana Gilbert Moyo, uthe inkokheli zombili lezi sezehlulekile ukukhipha uhulumende we Zanu PF embusweni.
UMoyo, othi inhlanganiso yakhe ingumanyano wezizalwane zeZimbabwe ezingamalunga amabandla eMDC womabili, uthi ukwehluleka kuka Mnumnzana Welshman Ncube loMnumnzana Morgan Tsvangirai, ukumanyanisa amacele eMDC womabili yikho osekubangele ukuthi behluleke ukukhipha uMongameli Mugabe leZanu PF esihlalweni.
Kusenjalo, inhlanganiso esandakubunjwa eye, The Youth Chapter, layo isimanyane leye Peace and Democracy Project, kunkuthazo yokuthi ababili laba batshiye izikhundla.
Isikhulumeli senhlanganiso yeThe Youth Chapter, umnumnzana Mxolisi Ncube, uthi inhlanganiso yakhe, ebunjwe ngabatsha beZimbabwe abavela emabandleni atshiyeneyo, izondiswe yikuthi inkokheli zombili lezi zivumele ukuthi ukuxabana kwazo kuvimbele ukwethulwa kombuso ohlonipha intando kazulu eZimbabwe.
Elinye ilunga laleliqembu, umnumnzana Skhumbuzo Maduna, uyavuma ukuthi kakusumlandu wababili laba ukuthi iZanu PF yaqilibezela ekhethweni, kodwa ukwehluleka kwabo ukudinga isisombululo sokuqilibezela lokhu yikho okukhombisa ukuthi sebehlulekile.
Osakhulayo oweZimbabwe umnumnzana Mkhululi Chimoi, uthi ukungena kwalezi inkokheli ekhethweni okwakucacile ukuthi sekuqiliwe, yinto abangeke baxola kiyo.
Ngakwelinye, icele inhlanganiso ye Peace and Democracy Project ithi izakwethula umkhankaso kuzizalwane zeZimbabwe zonke ikhuthaza ikuthi uNcube loTsvangirai behle esihlalweni.
Limhlanganiso ithi ilethemba lokuthi inkokheli ezizakhethwa ngemva kokwehla kwababili laba esihlalweni zizakwanelisa ukukhipha uMugabe leZanu PF esihlalweni ekhethweni luka 2018.
Linhlanganiso ithi ukuxabana kwababili laba yikho osekwenze iZimbabwe yehluleka ukuthola umbuso ohlonipha intando kazulu kusukela iMDC ibunjwa ngo 1999. UBenedict Nhlapho usipha loludaba eseJohannesburg Kwele South Africa.
Ekhuluma le Studio 7 eJohannesburg lamhlanje, obona ngokuqoqwa kwenhlelo zenhlanganiso ye Peace and Democracy Project, uMnumnzana Gilbert Moyo, uthe inkokheli zombili lezi sezehlulekile ukukhipha uhulumende we Zanu PF embusweni.
UMoyo, othi inhlanganiso yakhe ingumanyano wezizalwane zeZimbabwe ezingamalunga amabandla eMDC womabili, uthi ukwehluleka kuka Mnumnzana Welshman Ncube loMnumnzana Morgan Tsvangirai, ukumanyanisa amacele eMDC womabili yikho osekubangele ukuthi behluleke ukukhipha uMongameli Mugabe leZanu PF esihlalweni.
Kusenjalo, inhlanganiso esandakubunjwa eye, The Youth Chapter, layo isimanyane leye Peace and Democracy Project, kunkuthazo yokuthi ababili laba batshiye izikhundla.
Isikhulumeli senhlanganiso yeThe Youth Chapter, umnumnzana Mxolisi Ncube, uthi inhlanganiso yakhe, ebunjwe ngabatsha beZimbabwe abavela emabandleni atshiyeneyo, izondiswe yikuthi inkokheli zombili lezi zivumele ukuthi ukuxabana kwazo kuvimbele ukwethulwa kombuso ohlonipha intando kazulu eZimbabwe.
Elinye ilunga laleliqembu, umnumnzana Skhumbuzo Maduna, uyavuma ukuthi kakusumlandu wababili laba ukuthi iZanu PF yaqilibezela ekhethweni, kodwa ukwehluleka kwabo ukudinga isisombululo sokuqilibezela lokhu yikho okukhombisa ukuthi sebehlulekile.
Osakhulayo oweZimbabwe umnumnzana Mkhululi Chimoi, uthi ukungena kwalezi inkokheli ekhethweni okwakucacile ukuthi sekuqiliwe, yinto abangeke baxola kiyo.
Ngakwelinye, icele inhlanganiso ye Peace and Democracy Project ithi izakwethula umkhankaso kuzizalwane zeZimbabwe zonke ikhuthaza ikuthi uNcube loTsvangirai behle esihlalweni.
Limhlanganiso ithi ilethemba lokuthi inkokheli ezizakhethwa ngemva kokwehla kwababili laba esihlalweni zizakwanelisa ukukhipha uMugabe leZanu PF esihlalweni ekhethweni luka 2018.