WASHINGTON DC —
EleZimbabwe ngelinye lamazwe awezwekazi leAfrica alobuyanga obumangalisayo obulakho ukuqela ngamandla ngenxa yohlelo lokunikeza inotho enengi ezandleni zezizalwane zelizwe olweIndigenization, kutsho inhlanganiso yeNew World Wealth.
Embikweni ewethule ngoLwesibili, linhlanganiso iveze ukuba lanxa eleZimbabwe belingelinye lamazwe anothileyo ngo2000 lisedlula amazwe agoqela iNigeria, Kenya, Angola, Zambia leGhana, kathesi selingelinye lamazwe alabantu abangabayanga abanengi.
Ithi njalo ngomnyaka odluleyo inotho yomuntu munye eZimbabwe ibingamadola angamakhulu amahlanu lamatshumi ayisikhombisa kuphela, $570. Inotho yomuntu oyedwa eSouth Africa yedlula inkulungane ezilitshumi lanye zamadollar-$11,310.
INew World Wealth, yona ekhangelane kakhulu lentuthuko kwezenotho ezwekazi leAfrica, Asia lemazweni awe Middle East, ithi ilizwe elilenotho ekhula ngesiqubu ukwedlula amanye eAfrica yiAngola.
Lanxa uhulumende weZimbabwe esithi isilinganiso sabantu abangasebenziyo elizweni sedlula itshumi ekhulwini-11% kuphela, ingcwethi kwezenotho zithi isilinganiso lesi singaphezu kwamatshumi athoba minwe mbili ekhulwini-85%.
Ukuswelakala kwemisebenzi ngenye yembangela yobumpofu, ikakhulu kuzulu wemaphandleni, kutsho owake waba ngukhansila weMadlambudzi ePlumtree uMnumzana Thamani Ncube, yena oseqhuba izifundo zeHuman Development & Leadership ekolishini leUniversity of Zimbabwe.
Ukuhlaziya loludaba uNtungamili Nkomo weStudio 7 uxhume ingcwethi kwezombusazwe uDr Nkululeko Sibanda ofundisa ekolishini leHuddersfeield eBritain.
Embikweni ewethule ngoLwesibili, linhlanganiso iveze ukuba lanxa eleZimbabwe belingelinye lamazwe anothileyo ngo2000 lisedlula amazwe agoqela iNigeria, Kenya, Angola, Zambia leGhana, kathesi selingelinye lamazwe alabantu abangabayanga abanengi.
Ithi njalo ngomnyaka odluleyo inotho yomuntu munye eZimbabwe ibingamadola angamakhulu amahlanu lamatshumi ayisikhombisa kuphela, $570. Inotho yomuntu oyedwa eSouth Africa yedlula inkulungane ezilitshumi lanye zamadollar-$11,310.
INew World Wealth, yona ekhangelane kakhulu lentuthuko kwezenotho ezwekazi leAfrica, Asia lemazweni awe Middle East, ithi ilizwe elilenotho ekhula ngesiqubu ukwedlula amanye eAfrica yiAngola.
Lanxa uhulumende weZimbabwe esithi isilinganiso sabantu abangasebenziyo elizweni sedlula itshumi ekhulwini-11% kuphela, ingcwethi kwezenotho zithi isilinganiso lesi singaphezu kwamatshumi athoba minwe mbili ekhulwini-85%.
Ukuswelakala kwemisebenzi ngenye yembangela yobumpofu, ikakhulu kuzulu wemaphandleni, kutsho owake waba ngukhansila weMadlambudzi ePlumtree uMnumzana Thamani Ncube, yena oseqhuba izifundo zeHuman Development & Leadership ekolishini leUniversity of Zimbabwe.
Ukuhlaziya loludaba uNtungamili Nkomo weStudio 7 uxhume ingcwethi kwezombusazwe uDr Nkululeko Sibanda ofundisa ekolishini leHuddersfeield eBritain.