Intathelizindaba ezinengi, ikakhulu ezisebenzela inhlanganiso ezizimeleyo, zikhala ngodubo lokusilela kwemali ngoba zithola iholo elincane kakhulu. Lanxa ezisebenzela amankampani kahulumende zilobubelo lazo zithi zilengxaki ezimbalwa.
Lanxa izikolo ezifundisa intathelizindaba sezizinengi imisebenzi yokwethulwa kwembiko iya isibanzima.
Lamuhla kuhlelo lwethu Liphuma Lendaba Litshona Lendaba sixoxa lonobhala jikelele wenhlanganiso ebona ngokwethulwa kwezombiko lentathelizindaba, iZimbabwe Union of Journalists, iZUJ.
UDongozi uthi kunzima kakhulu ukuba yintathelizindaba lezinsuku eZimbabwe ngoba imali eziyihola ifana leyezisebenzi zemapulazini, nanku lemali ilutshwana kakhulu.
"Izisebenzi zokwethulwa kwemibiko zithwelenzima kakhulu ngenxa yeholo eliphansi kakhulu," kutsho uDongozi.
