WASHINGTON DC —
Inkokheli yamazwe eSadc izahlangana eMaputo kweleMozambique ngoMgqibelo ikhulumisana ngodaba lokhetho lweZimbabwe lokunye okuhluphayo kulumhlubulo wezwekazi leAfrica.
Abakhokheli bamabandla akuhulumende womanyano abagoqela uMnu Welshman Ncube, uMongameli Mugabe, loMnu Morgan Tsvangirai bakhangelelwe ukuphatheka kulumhlangano.
UNcube loTsvangirai bakhangelelwe ukucela iSadc ukuthi ibambe uMugabe ngamandla ukuthi edlulisele ukhetho phambili ukuze kulungisiswe okusahluphayo.
Ababili laba bathi bafuna njalo kufakwe izimiso ezizakwenqabela udlakela kanye lokuqilibezela kulolukhetho.
UMugabe ukhangelelwe ukuzivikela ngokuthi ubeke umhlaka 31 Ntulikazi njengelanga lokhetho elandela isinqumo sedale leConstitutional Court.
UNcube yena ufike eMaputo ngoLwesihlanu ntambama ehamba lonobhala jikelele webandla lakhe uNkosikazi Priscilla Misihairabwi-Mushonga.
UNkosikazi Mushonga utshele lumsakazo ukuthi bazacela inkokheli yeSadc ukuthi ibambe uMugabe ngamandla edlulisele ukhetho phambili.
"Ilanga lokhetho kuyamele lidluliselwe phambili ngoba umthetho wona ngokwawo, umthetho wesisekelo sombuso esitsha ufakile amalanga ang'khona," kutsho uMisihairabwi-Mushonga.
"Umthetho lo ufakile amalanga ang'khona okuthi ukhetho nxa luzabakhona, into yokubhalisela ukuvota, amalanga angamatshumi amathathu esavumelana wona sebekukhiphile.
"Savumelana njalo ukuthi akusoze kwaba lesinye isikhathi lapho lomunye umuntu onjengoMongameli azafaka khona umthetho wakhe eyedwa. Kukhona kusisekelo esitsha lokho, kodwa ukwephume uMugabe," kwengeze uMisihairabwi-Mushonga.
Abakhokheli bamabandla akuhulumende womanyano abagoqela uMnu Welshman Ncube, uMongameli Mugabe, loMnu Morgan Tsvangirai bakhangelelwe ukuphatheka kulumhlangano.
UNcube loTsvangirai bakhangelelwe ukucela iSadc ukuthi ibambe uMugabe ngamandla ukuthi edlulisele ukhetho phambili ukuze kulungisiswe okusahluphayo.
Ababili laba bathi bafuna njalo kufakwe izimiso ezizakwenqabela udlakela kanye lokuqilibezela kulolukhetho.
UMugabe ukhangelelwe ukuzivikela ngokuthi ubeke umhlaka 31 Ntulikazi njengelanga lokhetho elandela isinqumo sedale leConstitutional Court.
UNcube yena ufike eMaputo ngoLwesihlanu ntambama ehamba lonobhala jikelele webandla lakhe uNkosikazi Priscilla Misihairabwi-Mushonga.
UNkosikazi Mushonga utshele lumsakazo ukuthi bazacela inkokheli yeSadc ukuthi ibambe uMugabe ngamandla edlulisele ukhetho phambili.
"Ilanga lokhetho kuyamele lidluliselwe phambili ngoba umthetho wona ngokwawo, umthetho wesisekelo sombuso esitsha ufakile amalanga ang'khona," kutsho uMisihairabwi-Mushonga.
"Umthetho lo ufakile amalanga ang'khona okuthi ukhetho nxa luzabakhona, into yokubhalisela ukuvota, amalanga angamatshumi amathathu esavumelana wona sebekukhiphile.
"Savumelana njalo ukuthi akusoze kwaba lesinye isikhathi lapho lomunye umuntu onjengoMongameli azafaka khona umthetho wakhe eyedwa. Kukhona kusisekelo esitsha lokho, kodwa ukwephume uMugabe," kwengeze uMisihairabwi-Mushonga.