HARARE —
Uzulu weZimbabwe ukhuthaza uhulumende omutsha ozangena ukuba aqakathekise ukuthuthukiswa komsebenzi wezempilakahle hatshi ukuthembela kuncedo lwakwamanye amazwe ikakhulu ezibhedlela zikahulumende.
Kubikwa kukunengi okumele kulungisiswe nguhulumende kundaba zempilakahle. Kunje uzulu ubhekane lobunzima akanelisi ukuyadinga usizo ezibhedlela zikahulumende ngezizatho ezimbalwa okufana lokuswela imali yenhlawulo.
Ngakho uzulu uthi uthembele kulabo asekhethiwe ukuba bavuselele izibhedlela zikahulumende eziyizo ezibhekane lobunzima bokusilela kokudingakalayo okufana lemithi, imitshina yokusebenzisa kanye lengcwethi zomsebenzi ezifana labongi labodokotela.
UMnumzana Callistus Mangena uyisakhamuzi semaphandleni ase Domboshava.uleminyaka engamatshumi amane okuzalwa njalo ephila ngokuthengisa.umkakhe akaphilanga ngoba etshaywe yi stroke nyakenye ngakho akanelisi ukuthola usizo ngenxa yokuswela inhlawulo edingakalayo kuveza uMangena.
Ukhuthaza lohulumende omutsha ukuba aluqakathekise uhlangothi lwezempilakahle ikakhulu abaphila lemikhuhlane engathelelanwayo okufana le stroke.
UMnumzana Bernard Nyathi ukhokhela inhlanganiso yabalwela ilungelo labaphila legciwane iZimbabwe HIV and Aids Activists Union ( ZHAAU ).
Uphila legciwane uNyathi njalo uthi abanjengaye bebhekane lobunzima obukhulu ngoba bengayitholi imithi yabo ngesikhathi ikakhulu labo abahlala emaphandleni.
Lokhu ngokunye okuzamele kuqakathekiswe nguhulumende omutsha ngoba impilakahle yomuntu imqoka kulakho konke kutsho uNyathi.
Uthi uhulumende omutsha ukhangelelwe ukulalela izikhalazo zikazulu ikakhulu zabaphila legciwane njengaye ethi kube lokusebenzelana lezisebenzi zezibhedlela ikakhulu ezikahulumende ngoba beyibo abaluzwisisa ngcono udaba lokuqakatheka kokutholiswa okufaneleyo ekulondolozeni impilakahle yabo.
Kuqakathekile njalo ukuba uhulumende asebenzelane lamaqembu ehlukeneyo afana labamela abaphila legciwane ngesikhathi kuthathwa izinqumo kwezempilakahle kuveza uNyathi.
UNkosazana Monica Chagwedera wase Chikomba esigabeni se Mashonaland East uphila lobugoga.uleminyaka engamatshumi amabili yokuzalwa uChagwedera njalo udinga usizo lwe Wheel Chair ngoba le abekade eyisebenzisa isindala kakhulu.
UChagwedera ukhala ngohulumende athi akabanakekeli labo abaphila lobugoga ngoba ekhuluma ngabo nje.uthi usethembele kulabo asebekhethiwe ukuba ngamalunga e Senate azamela abagogekileyo ukuba bazanelisa ukwethula izikhalazo zabaphila lobugoga.
Uzulu uthi uhlangothi lwezempilakahle lumele lutholiswe imali eyanelayo nguhulumende hatshi ukuthembela kuncedo lwakwamanye amazwe sikhathi sonke njengalokho obekuyikho khona ngesikhathi sikahulumende womanyano.
Izibhedlela zikahulumende ezinengi elizweni bezithembele emalini yesikhwama se Health Transition Fund ebesiqondiswa ngabenhlanganiso yeUNICEF.
Ingcwethi zithi lumumo kumele uguqulwe njengoba kungumlandu kahulumende ukunakekela impilakahle yabantu elizweni. Imali zoncedo kumele zengezelele kuleyo evele ikhona hatshi ukuthembela kiyo sikhathi sonke kutsho lezi ngcwethi.
Kubikwa kukunengi okumele kulungisiswe nguhulumende kundaba zempilakahle. Kunje uzulu ubhekane lobunzima akanelisi ukuyadinga usizo ezibhedlela zikahulumende ngezizatho ezimbalwa okufana lokuswela imali yenhlawulo.
Ngakho uzulu uthi uthembele kulabo asekhethiwe ukuba bavuselele izibhedlela zikahulumende eziyizo ezibhekane lobunzima bokusilela kokudingakalayo okufana lemithi, imitshina yokusebenzisa kanye lengcwethi zomsebenzi ezifana labongi labodokotela.
UMnumzana Callistus Mangena uyisakhamuzi semaphandleni ase Domboshava.uleminyaka engamatshumi amane okuzalwa njalo ephila ngokuthengisa.umkakhe akaphilanga ngoba etshaywe yi stroke nyakenye ngakho akanelisi ukuthola usizo ngenxa yokuswela inhlawulo edingakalayo kuveza uMangena.
Ukhuthaza lohulumende omutsha ukuba aluqakathekise uhlangothi lwezempilakahle ikakhulu abaphila lemikhuhlane engathelelanwayo okufana le stroke.
UMnumzana Bernard Nyathi ukhokhela inhlanganiso yabalwela ilungelo labaphila legciwane iZimbabwe HIV and Aids Activists Union ( ZHAAU ).
Uphila legciwane uNyathi njalo uthi abanjengaye bebhekane lobunzima obukhulu ngoba bengayitholi imithi yabo ngesikhathi ikakhulu labo abahlala emaphandleni.
Lokhu ngokunye okuzamele kuqakathekiswe nguhulumende omutsha ngoba impilakahle yomuntu imqoka kulakho konke kutsho uNyathi.
Uthi uhulumende omutsha ukhangelelwe ukulalela izikhalazo zikazulu ikakhulu zabaphila legciwane njengaye ethi kube lokusebenzelana lezisebenzi zezibhedlela ikakhulu ezikahulumende ngoba beyibo abaluzwisisa ngcono udaba lokuqakatheka kokutholiswa okufaneleyo ekulondolozeni impilakahle yabo.
Kuqakathekile njalo ukuba uhulumende asebenzelane lamaqembu ehlukeneyo afana labamela abaphila legciwane ngesikhathi kuthathwa izinqumo kwezempilakahle kuveza uNyathi.
UNkosazana Monica Chagwedera wase Chikomba esigabeni se Mashonaland East uphila lobugoga.uleminyaka engamatshumi amabili yokuzalwa uChagwedera njalo udinga usizo lwe Wheel Chair ngoba le abekade eyisebenzisa isindala kakhulu.
UChagwedera ukhala ngohulumende athi akabanakekeli labo abaphila lobugoga ngoba ekhuluma ngabo nje.uthi usethembele kulabo asebekhethiwe ukuba ngamalunga e Senate azamela abagogekileyo ukuba bazanelisa ukwethula izikhalazo zabaphila lobugoga.
Uzulu uthi uhlangothi lwezempilakahle lumele lutholiswe imali eyanelayo nguhulumende hatshi ukuthembela kuncedo lwakwamanye amazwe sikhathi sonke njengalokho obekuyikho khona ngesikhathi sikahulumende womanyano.
Izibhedlela zikahulumende ezinengi elizweni bezithembele emalini yesikhwama se Health Transition Fund ebesiqondiswa ngabenhlanganiso yeUNICEF.
Ingcwethi zithi lumumo kumele uguqulwe njengoba kungumlandu kahulumende ukunakekela impilakahle yabantu elizweni. Imali zoncedo kumele zengezelele kuleyo evele ikhona hatshi ukuthembela kiyo sikhathi sonke kutsho lezi ngcwethi.