Inkantolo Yethesa uTrump Isigwebo Esingelajele Phakathi Phezu Kwecala Lokuhlawula Isivalamlomo

Osemelele ukungena esikhundleni sikaMongameli weMelika uMnu Donald Trump ngoLwesihlanu wetheswe isigwebo esingelajele ngemva kokufunyanwa elecala lokubhadala untombazana abikwa waya laye emacansini isivalamlomo phambilini kokhetho luka2021.

Le yinto ebivele ikhangelelwe ngoba umahluli womthethwandaba weManhattan, eNew York, uMnu Juan Merchan wayetshilo phambilini ukuthi kasoze avalele uTrump kumbe amhlawulise imali yefayindi.

Egqiba udaba lolu umahluli ufisele uTrump inhlanhla phambilini kokungena kwakhe esikundleni sikaMongameli mhlaka 20 kulinyanga.

Yena uTrump uqhubeke elandula ukuthi wadala icala, esithi okwenziwe ngabatshutshisi kuye kulihlazo.

UTrump ubecele i-Supreme Court ukuthi imise ukwahlulelwa kwakhe namuhla kodwa yala ukwamukela lokhu izolo.

Ingcwethi zithi lanxa kungelasigwebo asethesiweyo, ukudliwa licala kukodwa kumehlisa isithunzi.

Oludaba ezombusazwe zeMelika uMnu Raphael Mthombeni utshele iStudio 7 ukuthi ngempela lokhu kwehlisa uTrump isithunzi, yikho nje ethukuthele.

Embed share

Ingxoxo loMnu Raphael Mthombeni

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:03:06 0:00

Lapho esitholakala khona

• 16 kbps | MP3
• 32 kbps | MP3
• 48 kbps | MP3

Ukudlala