Inkantolo yeMelika Inqaba Umlayo kaTrump Omisa Imali Yokuphathisa Umphakathi

Umthethwandaba weMelika usunqabe umlayo kaMongameli Donald Trump omutsha omisa imali yenhlelo zomphakathi ephiwa inhlanganiso zeMelika ezitshiyeneyo nguhulumende.

Umlayo lo ubumele uqale ukusebenza ngoLwesibili kodwa wavinjwa yinkantolo kudaba olukhwezwe ngabalwela amalungelo oluntu besithi ukuvala usizo lolu kuzaphazamisa inhlelo zentuthuko ezifana lezempilakahle.

Umthethwandaba uzahluza udaba lolu ngokugcweleyo ngoMvulo.

Kunsukwana ezedluleyo uMongameli Trump umise njalo usizo lwemali yentuthuko ephiwa amazwe asathuthukayo yiMelika esithi uhulumende wakhe usakhangelisisa ukuthi yiziphi inhlelo azazesula lokuthi yiziphi azaqhubeka ezincedisa ngemali.

Lanxa abanye besola uTrump besithi ukuvala limali kuphazamisa impilo zabantu abanengi, osekela umbuso wakhe uMnu Greater Vodloza Sibanda uthi uTrump wenza khona kanye akuthembisa ngesikhathi ekhankasela ukhetho.

Embed share

Ingxoxo loMnu Greater Vodloza Sibanda

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:02:37 0:00

Lapho esitholakala khona

• 16 kbps | MP3
• 32 kbps | MP3
• 48 kbps | MP3

Ukudlala