WASHINGTON DC —
Inkampani yamaphephandaba kahulumende eye Zimbabwe Newspapers Group, isiguqule abahleli bayo okukhanya kuyinguquko elethwe ngumphathintambo wezokwethulwa kwembiko, uMnu. Jonathan Moyo kulandela ukusebenza kwayo ingatholi inzuzo.
Umgcinisihlalo we Zimpapers, uMnu. Charles Utete wazise ukuba uMnu. Ceaser Zvai nguye osengumhleli wephephandaba le The Herald. Ko Bulawayo, obengumhleli wephephandaba lebulenjini, ele Newzimbabwe.com uMnu. Mduduzi Mathuthu nguye ozahlela iphephandaba le The Chronicle kuthi iphephandaba le The Sunday News selizahlelwa nguMnu. Tumeliso Makhurane.
Owayeyisikhulumeli sogatsha lwe JOMIC uMnu. Jorum Nyathi nguye osezaba ngumhleli wenkampani yonke eye Zimpapers kundaba zombusazwe. U-Utete uthi linguquko yenzwe njengengengxenye yohlelo lokuvuselela ibhizimusi lenkampani le elahlekelwe yinzuzo eyedlula izigidi ezimbili zamadollar ngomnyaka odluleyo.
Kumaviki asanda kwedlula, uMoyo ubevakatshela amankampani amaphephandaba azimeleyo. Sixoxe loMnu. Foster Dongozi, ongunobhala jikelele wenhlanganiso ebona ngelungelo lentathelizindaba eye Zimbabwe Union of Journalists othi inguquko eyenziwe ikhanya ingamalungiselelo okhetho lomnyaka ka 2018.
Umgcinisihlalo we Zimpapers, uMnu. Charles Utete wazise ukuba uMnu. Ceaser Zvai nguye osengumhleli wephephandaba le The Herald. Ko Bulawayo, obengumhleli wephephandaba lebulenjini, ele Newzimbabwe.com uMnu. Mduduzi Mathuthu nguye ozahlela iphephandaba le The Chronicle kuthi iphephandaba le The Sunday News selizahlelwa nguMnu. Tumeliso Makhurane.
Owayeyisikhulumeli sogatsha lwe JOMIC uMnu. Jorum Nyathi nguye osezaba ngumhleli wenkampani yonke eye Zimpapers kundaba zombusazwe. U-Utete uthi linguquko yenzwe njengengengxenye yohlelo lokuvuselela ibhizimusi lenkampani le elahlekelwe yinzuzo eyedlula izigidi ezimbili zamadollar ngomnyaka odluleyo.
Kumaviki asanda kwedlula, uMoyo ubevakatshela amankampani amaphephandaba azimeleyo. Sixoxe loMnu. Foster Dongozi, ongunobhala jikelele wenhlanganiso ebona ngelungelo lentathelizindaba eye Zimbabwe Union of Journalists othi inguquko eyenziwe ikhanya ingamalungiselelo okhetho lomnyaka ka 2018.
