Namhlanje uItai Dzamara, usefikise inyanga ezilitshumi lanye enyamalele ngemva kokuthunjwa ngabantu abangaziwayo, ababetshengisela laye kanye lemuli yakhe babe lomthandazo besithi lokhe belethemba lokuthi usaphila.
************ Omunye wabetheswa icala lokubhomba inkampani yemuli kamongameli Robert Mugabe eye Gushungo Diary ugwetshwe ukuhlala ejele okwenyanga ezithoba munwe munye.
**********Uhulumende uqinisa umsebenzi wokulwisana lokungethembeki icorruption elizweni ngokukhuthaza abantu ukuthi bathumele imbiko ngocingo bengazibethi amagama beveza labo abaphatheka kulokhu ukungathembeki.
************* Uzulu wamukela ngenjabulo ukuqala ukuthwala abantu kwenkampani yendizamtshina entsha ye Fastjet Airlines Zimbabwe, kuhambo lokusuka eHarare ukuya eJohannesburg ngentengo ephansi.
***********KuLivetalk kuhlelo lwabatsha olwe The Connection namhlanje sikhangela udaba lukaItai Dzamara oselenyanga ezilitshumi lanye wanyamalala. Lingakhuthwa yilezindaba lezinye kuStudio 7 ngo 8 ntambama kumagagasi athi 909 am, 4930, 12080, lo 15460 kilohertz kuShortwave. Sitholakala njalo kuFacebook ekhasini lethu ele VOA Ndebele.
