Endabeni zethu lamhlanje ……………..
****** Izizalwane zeZimbabwe ziveza ukukhathazeka okukhulu ngokukhuphulwa kwembadalo yokuhlawulela ukubhala imihloliso eyeOrinary Level leAdvanced Level lugatsha luhlangothi lukahulumende olubona ngezemihloliso, olweZimsec.
***** UMongameli Emmerson Mnangagwa ukweleEthiopia ukuyangena umhlangano womanyano wamazwe awezwekazi labensundu, owe African Union oqhubeka khonale.
****** Izizalwane zeZimbabwe kweleSouth Africa sezikhuthaze omantshi, abahluleli, abatshutshisi labanye kwezokuthethwa kwamacala elizweni ukuthi basebenze bengathathi hlangothi ngengalokhu okwenziwa ngosowabo kweleSouth Africa.
****** Kwezemidlalo……...Owayengunozinti weqembu lesizwe elama Warriors, emdlalweni owenguqu, uEnergy Murambadoro usengumqeqetshi wabonozinti beqembu le Chicken Inn.
****** KuLiveTalk namhlanje sikhangela ugwalo elethulwe ngabeRAND CORPORATION eliphathelane lomumo oseZimbabwe kwezombusazwe lakwezenotho kanye lokwenzakala emhlanganweni oweAfrican Union.. Thumelani imilayezelo yenu ku WhatsApp kunombolo ezithi 001 202 465 0318 kumbe enkundleni yokukhulumisana lokuzilibazisa yebulenjini eyeFacebook ekhasini lethu ele VOA Ndebele. Lingakhuthwa yilezindaba lezinye kuStudio 7 ngo half past 7 ntambama langohalf past 6 ekuseni, kumagagasi athi 909 am, 4930, 15580 laku 6080 kilohertz kuShortwave. Lingakhohlwa ukuthi sikuWhatsapp lakuFacebook ku VOA Ndebele.