*** Umahluli omkhulu welizwe, uChief Justice Luke Malaba, utholakale namuhla engelacala lokubuyela emsebenzini kulandela isinqumo sedale leHigh Court esavimba ukuba kwengezwe iminyaka yakhe yokusebenza.
*** Intathelizindaba esebenza kuphephandaba leNew York Times ikhangelelwe ukuba izathoniswa mhlaka 24 kuNhlangula icala lokungenisa abanye bakhe eZimbabwe okungekho emthethweni kulandela ukubiselwa kwakhe entilongweni namuhla ngumantshi.
*** Amabandla ezombusazwe azama ukukhanga abantu ukuba babhalisele ukuvota kukhetho oluzakwenziwa ngomnyaka ka2023.
*** Amapholisa athi ahlaselwe ngabathenga bethengisa impahla lemali koBulawayo izolo okwenze ukuba kutshiswe izimota ezimbili zokuthwala uzulu.
*** KuLivetalk kuhlelo lwabesifaza ‘Asiyihluzeni Bomama’ namuhla sixoxa ngomkhuhlane weCOVID-19 langokudilizwa kwezindlu zabantu eHarare leChitungwiza okuthiwa kazakhiwanga ngemfanelo.