Endabeni zethu lamhlanje……………
*** Amalunga ekomidi yedale lephalamende ebona ngokusetshenziswa kwemali kahulumende, awebandla leZanu PF, athi akemukeli uMnu Tendai Biti njengomgcinisihlalo wabo njengoba abebandla lakhe labo bengemekuli uMongameli Emmerson Mnangawa njengomkhokheli welizwe.
*** Abasakhulayo abakoBulawayo bathi bafuna inkokheli abayikhethayo nyakenye bagcwalise izithembiso abazenza ebantwini bekhankasela usekelo.
*** UMongameli Emmerson Mnangagwa usayina ephasisa umthetho oweMainenance of Peace and Order Act, inengi likhala ngokuthi wephula ilungelo loluntu.
*** Umqeqetshi weqembu le Highlanders uHendrik Pieter de Jongh uthi engasuthiseka kakhulu nxa iqembu leli lingaphutsha imidlalo yalonyaka lihlezi endaweni yethoba minwe mbili engalaneni yemiklomelo.
*** KuWoza Friday liviki sileqembu le Insiza Express Band elicula umdumo weTshibilika abanye bayithi yiRumba becula beseFilabusi.
*** KuLiveTalk namhla sikhangela osokwenzakale eminyakeni emibili edluleyo lokhe kwakhutshwayo embusweni owayengumongameli umuyi uMnu Robert Mugabe ngabebutho, kufakwa uMongameli Emmerson Mnangagwa. Nxa lifuna ukungena kuhlelo sithumeleni umlayezelo kunombolo ezithi 0012024650318. Lingakhuthwa yilezindaba lezinye kuStudio 7 ngo half past 7 ntambama lango half past 6 ekuseni, kumagagasi athi 909 am, 4930, 15580 laku 6080 kilohertz kuShortwave.