HARARE —
Inhlanganiso ezilwela ilungelo labesifazane sezikhuthaze ukumanyana kukazulu wonke weZimbabwe ukuba akhulume ngalizwi linye emikhankasweni yokulwisana lokungathembeki elizweni osekubulale zonke inhlangothi zomnotho. Zikhuthaza njalo uhulumende ukuba ajezise abafunyanwa bephatheka kulokhu kungathembeki hatshi ukukhuluma ngakho nje kungenziwa lutho ngoba kubuyisela muva intuthuko yelizwe.
Emhlanganweni wokubonisana phezu kwaloludaba oqoqwe ngabenhlanganiso ye Women Resource Centre and Network, wokubonisana phezu kokungenziwa ukuqeda loludubo, owe ' Government And Development - DAD Talk owenzelwe e Meikles Hotel lamuhla ekuseni, amalunga alezinhlanganiso akubeke sobala ukuba lubangela ubuyanga loludubo lokungathembeki nxa lungasalungisiswanga.
Obengumhlonitshwa emhlanganweni lo phezu komonakalo osubangelwe yikungathembeki elizweni u Dr Charity Manyeruke wase University ye Zimbabwe uthi kumele basiwe emthethweni bonke abatholakala bephatheka kulokho kungathembeki. Uthi uManyeruke kungumsebenzi wedale lephalamende kanye lamalunga amela uzulu ukuba liphathe umsebenzi wabo ngokufaneleyo wokulondoloza impahla kahulumende.
Umkhokheli wenhlanganiso ebona ngezokuqedwa kobuyanga ebantwini eye Poverty Reduction Forum Trust, unkosikazi Judith Kaulem uthi udubo lokungathembeki lungayekelelwa njengalokho osekuyikho khona elizweni luzakhula okwesabekayo lube nzima ukululungisisa. Uthi u Kaulemu okudanisayo yikuba uzulu weZimbabwe sewakwamukela njengento ejwayelekileyo ukuba kaziqakathekanga indaba zokungathembeki lapho ziqala akhohlwe ukuba zizanaba zikhule zibe nzima ukuziqeda.
Kuthi okhokhela inhlanganiso ye Transparent International, unkosazana Mary Jane Ncube uthi uzulu kumele akhweze ilizwi esola indaba zokungathembeki sikhathi sonke hatshi ukulandela abanye ngoba sekukhulunywa nguhulumende olamalunga amanengi abesilisa. Wapha isibonelo sokwenzakala kulezi nsuku lapho indaba egudwini kungezeholo elesabekayo eliphiwa abaqondisi bamankampani kahulumende.
Abekade bekulomhlangano bathi akusizi lutho ukuvezwa kwabaphatheke kulezizehlakalo zokungathembeki kubuye kuphele nje kuphela njengesavunguzane kungela manyathelo athathwayo okujezisa abafunyanwa belecala.
Lokhu kugcizelellwe ngosebenzela uhlangothi lokukhulumisana lozulu enhlanganisweni yeZimbabwe Women Resource Centre And Network - ZWRCN unkosikazi Buhlebenkosi Moyo okubeke sobala ukuba akuyiwa ndawo nxa uvele ungekho umthetho olawula ukuba kuthiweni kulowo osesaziwa ukuba uphatheka kundaba zokungathembeki.
Uzulu emhlanganweni lo wethuswe ludaba lokuba selukusibanga esesabekayo udubo lobuyanga elizweni lapho osolufika kusilinganiso sokungamatshumi edlula ayisithupha ekhulwini-62.6%. Kuthi isilinganiso sokulitshumi lasithupha ( 16.2 ) salabo abangabayanga elizweni kuyilabo abalobuyanga obedlulisa amalawulo.
Emhlanganweni wokubonisana phezu kwaloludaba oqoqwe ngabenhlanganiso ye Women Resource Centre and Network, wokubonisana phezu kokungenziwa ukuqeda loludubo, owe ' Government And Development - DAD Talk owenzelwe e Meikles Hotel lamuhla ekuseni, amalunga alezinhlanganiso akubeke sobala ukuba lubangela ubuyanga loludubo lokungathembeki nxa lungasalungisiswanga.
Obengumhlonitshwa emhlanganweni lo phezu komonakalo osubangelwe yikungathembeki elizweni u Dr Charity Manyeruke wase University ye Zimbabwe uthi kumele basiwe emthethweni bonke abatholakala bephatheka kulokho kungathembeki. Uthi uManyeruke kungumsebenzi wedale lephalamende kanye lamalunga amela uzulu ukuba liphathe umsebenzi wabo ngokufaneleyo wokulondoloza impahla kahulumende.
Umkhokheli wenhlanganiso ebona ngezokuqedwa kobuyanga ebantwini eye Poverty Reduction Forum Trust, unkosikazi Judith Kaulem uthi udubo lokungathembeki lungayekelelwa njengalokho osekuyikho khona elizweni luzakhula okwesabekayo lube nzima ukululungisisa. Uthi u Kaulemu okudanisayo yikuba uzulu weZimbabwe sewakwamukela njengento ejwayelekileyo ukuba kaziqakathekanga indaba zokungathembeki lapho ziqala akhohlwe ukuba zizanaba zikhule zibe nzima ukuziqeda.
Kuthi okhokhela inhlanganiso ye Transparent International, unkosazana Mary Jane Ncube uthi uzulu kumele akhweze ilizwi esola indaba zokungathembeki sikhathi sonke hatshi ukulandela abanye ngoba sekukhulunywa nguhulumende olamalunga amanengi abesilisa. Wapha isibonelo sokwenzakala kulezi nsuku lapho indaba egudwini kungezeholo elesabekayo eliphiwa abaqondisi bamankampani kahulumende.
Abekade bekulomhlangano bathi akusizi lutho ukuvezwa kwabaphatheke kulezizehlakalo zokungathembeki kubuye kuphele nje kuphela njengesavunguzane kungela manyathelo athathwayo okujezisa abafunyanwa belecala.
Lokhu kugcizelellwe ngosebenzela uhlangothi lokukhulumisana lozulu enhlanganisweni yeZimbabwe Women Resource Centre And Network - ZWRCN unkosikazi Buhlebenkosi Moyo okubeke sobala ukuba akuyiwa ndawo nxa uvele ungekho umthetho olawula ukuba kuthiweni kulowo osesaziwa ukuba uphatheka kundaba zokungathembeki.
Uzulu emhlanganweni lo wethuswe ludaba lokuba selukusibanga esesabekayo udubo lobuyanga elizweni lapho osolufika kusilinganiso sokungamatshumi edlula ayisithupha ekhulwini-62.6%. Kuthi isilinganiso sokulitshumi lasithupha ( 16.2 ) salabo abangabayanga elizweni kuyilabo abalobuyanga obedlulisa amalawulo.