BULAWAYO —
Inhlanganiso ekhuthaza abesifazana ukuba zinkokheli eye Women in Leadership Development, isiqale umkhankaso wokukhuthaza amantombazana labesifazana ukuya vota mhlaka 31 Ntulikazi, kungenye yezindlela zokudinga ukukhweza inani labomama abayangena kumakhansili lasephalamende.
Umkhankaso lo obizwa ngokuthi ‘You Go Vote Girl Campaign’, ujonge ukukhuthaza abesifazana kanye lamantombazana, ikakhulu aqalayo ukuvota, ukuthi ahambe ayevota.
Lanxa lumkhankaso ujonge ukukhuthaza ukuvotelwa kwabesifazana, umqondisi we WILD, uNkosazana Samukeliso Khumalo, uthi abesifazana balakho ukuvotela yiloba ngubani abamfunayo, okuqakathekileyo yikuphatheka kuloluhlelo, lanxa nje bona bekhuthaza ukuvotelwa kwabesifazana kuthi nxa kungowesilisa kube ngulowo olakho ukulwela amalungelo abomama.
Ukhetho lwalonyaka lulabesifazana abangaphezu kwekhulu – 108 abaphatheka ku House of Assembly, okuyisilinganiso sokulitshumi lantathu ekhulwini - 13% yalabo abangene kukhetho lolu.
Bonke abesifazana laba bancintisana labesilisa kundawo abafisa ukuzimela okutsho ukuthi ephalamende kuzangena inani eliphansi kakhulu kulaleli.
Izinqumo lezi ze Quota System le Proportional Representation aziphathi amakhansili okutsho ukuthi kulakho ukuthi inani labesifazana abangena kumakhansili lehle lonyaka ngemva kokhetho.
Inhlanganiso zabesifazana ezinjenge WILD zilethemba ukuthi imikhankaso le yokukhuthaza amantombazana labesifazana ukuthi baphume ngobunengi besiyasekela abanye babo ilakho ukuncedisa elakuleli ukufinyelela ekulinganiseni amathuba abesifazana labesilisa kundawo okuthathwa izinqumo ezimqoka elizweni.
Umkhankaso lo obizwa ngokuthi ‘You Go Vote Girl Campaign’, ujonge ukukhuthaza abesifazana kanye lamantombazana, ikakhulu aqalayo ukuvota, ukuthi ahambe ayevota.
Lanxa lumkhankaso ujonge ukukhuthaza ukuvotelwa kwabesifazana, umqondisi we WILD, uNkosazana Samukeliso Khumalo, uthi abesifazana balakho ukuvotela yiloba ngubani abamfunayo, okuqakathekileyo yikuphatheka kuloluhlelo, lanxa nje bona bekhuthaza ukuvotelwa kwabesifazana kuthi nxa kungowesilisa kube ngulowo olakho ukulwela amalungelo abomama.
Ukhetho lwalonyaka lulabesifazana abangaphezu kwekhulu – 108 abaphatheka ku House of Assembly, okuyisilinganiso sokulitshumi lantathu ekhulwini - 13% yalabo abangene kukhetho lolu.
Bonke abesifazana laba bancintisana labesilisa kundawo abafisa ukuzimela okutsho ukuthi ephalamende kuzangena inani eliphansi kakhulu kulaleli.
Izinqumo lezi ze Quota System le Proportional Representation aziphathi amakhansili okutsho ukuthi kulakho ukuthi inani labesifazana abangena kumakhansili lehle lonyaka ngemva kokhetho.
Inhlanganiso zabesifazana ezinjenge WILD zilethemba ukuthi imikhankaso le yokukhuthaza amantombazana labesifazana ukuthi baphume ngobunengi besiyasekela abanye babo ilakho ukuncedisa elakuleli ukufinyelela ekulinganiseni amathuba abesifazana labesilisa kundawo okuthathwa izinqumo ezimqoka elizweni.