Inhlanganiso ye Matabaleland Institute for Human Rights/Water Action Group ithi uhlupho lokusilela kwamanzi koBulawayo lungaqedwa yikuthi amanzi ezibholane ahlanzwe ukwenzela ukuthi asebenziseke, uhulumende asungule uhlelo lwe devolution ngendlela olubekwe ngayo kusisekelo sombuso, njalo kube lemali eneleyo eye budget ukwenzela ukuthi ikhansili iqhube kuhle inhlelo zayo.
Umabhalane walikhansili uMnu. Christopher Dube uthi uhlupho olukhona okwamanje lubangelwa yikusilela kwamandla amagetsi, osokubangele ukuthi ezinye indawo zingatholi amanzi eneleyo kusukela ngeviki edluleyo.
Uthi ikhansili isizasungula njalo uhlelo lwe water rationing lapho izakhamizi ezingasoze zithole amanzi nsuku-zonke.
Okunengi ngaloludaba asikuzweni kungxoxo esiyiqhube loMnu. Khumbulani Maphosa, umgcinisihlalo waleyonhlanganiso.
