HARARE —
Inkokheli yenhlanganiso elwela ilungelo loluntu igxile kakhulu ekulwiseni ukungathembeki eye Coalition Against Corruption lamuhla inikeze incwadi yezikhalazo kumlawuli wedale lephalamende, umnumzana Jacob Mudenda, imcela ukuthi asungule ingxoxo ephathelane lokuba amalunga aveze ukuba inotho yabo iyisima kanjani.
Abe CAC laba bathi bakholwa ukuba kungenziwa lokho abakucelayo, kuzaphathisa ukuvimba ukungathembeki icorruption phakathi kwamalunga la, bangaze balingeka ukweba imali kahulumende.
Umqondisi walenhlanganiso umnumzana Terry Mutsvanga utshele intathelizindaba ukuba bakubone kufanele ukuyakhalaza kuMudenda.
UMutsvanga uthi kubazwisa ubuhlungu ukuba lokhe itshaphazwa mahlayana impahla kanye lemali kahulumende yilabo abasezikhundleni zobukhokheli kunhlangothi zengatsha ezehlukeneyo zikahulumende.
Uveze njalo ukuba abenhlanganiso yakhe bathembele kumlawuli wedale lephalamende ukuba aphathise kuloludaba lokwenqabela ukungathembeki ikakhulu kumalunga edale lephalamende.
Abe CAC bathi bathethe lelinyathelo ngemva kwenkulumo kamongameli Robert Mugabe ngesikhathi evula okusemthethweni isigaba sakuqala sedale lephalamende yesitshiyagalombili lapho aveze ukuba kumele kube lomthetho owenqabela ukutshaphazwa kwemali kahulumende okufana lalokho athe kwenziwe ngamanye amalunga edale ngesikhathi sikahulumende womanyano abatshaphaze imali ze Constituency Development Funds.
Impumela yenhlolisiso enziwe ngabe Transparency International Zimbabwe nyakenye umhlaba wonke jikelele kundaba zokuthembeka iveze eleZimbabwe ukuba likusibanga sokulikhulu lamatshumi ayisithupha lantathu-163rd kuluhlu lwamazwe alikhulu lamatshumi ayisikhombisa lasithupha-176th akhokhela kwezokungathembeki emhlabeni jikelele ale corruption.
Lokhu kusitsho ukuba eleZimbabwe likusibanga sinye lele Equatorial Gunea njalo seluqansile udubo lokungathembeki kwalabo abasezikhundleni zobukhokheli ikakhulu kuhulumende elizweni kusukela ngomnyaka ka 1999.
Abe CAC laba bathi bakholwa ukuba kungenziwa lokho abakucelayo, kuzaphathisa ukuvimba ukungathembeki icorruption phakathi kwamalunga la, bangaze balingeka ukweba imali kahulumende.
Umqondisi walenhlanganiso umnumzana Terry Mutsvanga utshele intathelizindaba ukuba bakubone kufanele ukuyakhalaza kuMudenda.
UMutsvanga uthi kubazwisa ubuhlungu ukuba lokhe itshaphazwa mahlayana impahla kanye lemali kahulumende yilabo abasezikhundleni zobukhokheli kunhlangothi zengatsha ezehlukeneyo zikahulumende.
Uveze njalo ukuba abenhlanganiso yakhe bathembele kumlawuli wedale lephalamende ukuba aphathise kuloludaba lokwenqabela ukungathembeki ikakhulu kumalunga edale lephalamende.
Abe CAC bathi bathethe lelinyathelo ngemva kwenkulumo kamongameli Robert Mugabe ngesikhathi evula okusemthethweni isigaba sakuqala sedale lephalamende yesitshiyagalombili lapho aveze ukuba kumele kube lomthetho owenqabela ukutshaphazwa kwemali kahulumende okufana lalokho athe kwenziwe ngamanye amalunga edale ngesikhathi sikahulumende womanyano abatshaphaze imali ze Constituency Development Funds.
Impumela yenhlolisiso enziwe ngabe Transparency International Zimbabwe nyakenye umhlaba wonke jikelele kundaba zokuthembeka iveze eleZimbabwe ukuba likusibanga sokulikhulu lamatshumi ayisithupha lantathu-163rd kuluhlu lwamazwe alikhulu lamatshumi ayisikhombisa lasithupha-176th akhokhela kwezokungathembeki emhlabeni jikelele ale corruption.
Lokhu kusitsho ukuba eleZimbabwe likusibanga sinye lele Equatorial Gunea njalo seluqansile udubo lokungathembeki kwalabo abasezikhundleni zobukhokheli ikakhulu kuhulumende elizweni kusukela ngomnyaka ka 1999.