Inhlanganiso ezilwela ilungelo loluntu lamabandla aphikisayo bathi bakhathazwa yikubotshwa mahlayana kwabaphikisayo ngesikhathi kulungiselelwa umhlangano omkhulu oweSouthern African Development Community (SADC) ozaqutshwa ngoNcwabakazi lonyaka.
Inhlanganiso ye-Amnesty International lezinye zithi kuyethusa okwenzakale eZimbabwe ngoba kubotshwa abantu abangelamacala abenza imihlangano etshiyeneyo.
Kulamalunga eCCC lawomanyano weNational Democratic Working Group ekhokhelwa nguMnu. Job Sikhala asanda kubotshwa.
AweCCC afika phose amatshumi ayisitshiyangalombili avalelwe entilongweni kulandela ukuncitshwa kwawo imvumo yokuhlawula isibambiso sebail. Abotshwa ethakazelela usuku lwabatsha olwe-International Day of the African Child.
Umongameli Emmerson Mnangagwa uthi uhulumende wakhe ubopha abatshotshozela udlakela abancedisana lamazwe entshonalanga azama ukugenqula uhulumende wakhe.
Forum