Inkulungwane lenkulungwane zabantu basengilande, bezigcwele emigwaqweni bebukela inkosi yabo igcotshwa u-King Charles iii lomkakhe iNdlovukazi u- Queen Camilla, esigodlweni sobukhosi e-Buckingham Palace. Inkosi ibikhatshwe ngumdeni, ogoqela indodana yakhe elizibulo lakhe u-Prince William, umkakhe uPrincess Kate, labazukulu.
Abafowabo baka Charles u- Princess Anne lo Prince Edward, labo bebekhona. Indodana yakhe encane u-Prince Harry, ubikwa ube engekho ku balcony eye Buckingham Palace, lanxa ube khona uyise egcotshwa. Inkokheli yamazwe womhlaba layo ibi khona egoqela uMongameli Emmerson Mnangagwa wase Zimbabwe, uMongameli Joe Biden waseMelika labanye.
Lanxa izulu belisina abantu bebebanengi abakade bephume ukuzobona imicimbi ebisenziwa zindizamitshini zebutho ele The Red arrows — lele Royal Air Force’s aerobatic team — zindiza phezu kwe Buckingham Palace, kwaba le parade yabebutho laphansi.
Abakade bengabanye ababukele lokhu kusenzekala bathi bekukuhle ngempela. Omunye wabo yisizalwane seZimbabwe esihlala eBhilithani uNkosikazi Sehlile-Gumbo Wilkinson, ongusomabhizimusi, esixoxe laye ecingweni echasisa akubonileyo.
