Ibhanga elikhulu lesizwe ele Reserve Bank of Zimbabwe likhangelelwe ukwethula imali entsha esekelwa ligolide eye Structured Currency ngoLwesihlanu.
Ngolwesine emini, uMongameli Emmerson Mnangagwa uhlole igolide eliseRBZ lapho athe igolide leli liqakatheke kakhulu ekusekeleni imali entsha le.
Osanda kuphiwa isikhundla sokukhokhela lelibhanga uMnu John Mushayavanhu uthe ibhanga leli ligcine ithani elilodwa lengxenye, 1.5tons, legolide elizweni kanye lelinye ithani eligcinwe ngaphandle kwelizwe.
Uthe bagcine njalo eyinye imali engamadola eMelika ayizigidi ezilikhulu, $100 million dollars.
Ingcwethi zenotho zithi igolide leli kanye lemali egciniweyo kulingana lendingeko zelizwe ezamalanga alitshumi lelilodwa.
Omunye wabacebisa lelibhanga uMnu Persistence Gwanyanya utshele uTaboka Ncube oweStudio7 ukuthi igolide leli linengi njengoba lingelokusekela idola leZimbabwe kuphela.
Exoxa leStudio7 ingcwethi yezenotho njalo esebenza lenhlanganiso yeCommon Markets for Liberal Solutions, COMALISO uMnu Rejoice Ngwenya uthe igolide leli litshwane kakhulu nxa kukhangelwa inani legolide elenjiwa eZimbabwe.
Forum