HARARE —
Ingcwethi kwezokutholakala kokudla ziveza ukuba eleZimbabwe libhekane lenkinga ezimbalwa, ezibalisa ukungatholi izikhwelede ezilomthelo ophansi emabhanga kanye lendlela zakulenzi nsuku zokulima ngokuthelezela, okuyikho okubangela ukwehla kwesivuno esanelayo lanxa lilemithetho emihle eqondisa umsebenzi wokulima.
Ekhuluma emhlanganweni lengcwethi kwezokulima owenzelwe emahofisini ommeli weMelika kuleli kuhlangothi lwePublic Affairs eHarare, umsekeli wommeli wenhlanganiso ye Food and Agriculture Organisation eZimbabwe, umnumzana David Mfote uthi ukusilela kwendlela zokulima ngokuthelezela kungenye yembangela yokusilela kokudla elizweni.
UMfonte ukhuthaza uhulumende ukuba aphathise abalimi ngemfundiso eyanelayo ngomsebenzi wokulima izilimo ezehlukeneyo ezihambelana lendawo abakizo kanye leyokusebenzisa amandla avela elangeni awe Solar ngoba amandla kagetsi ebiza intengo ephezulu.
Wengeze ethi lokwenza kwabalimi lakho sekuphazamisa ukutholakala kokudla ngoba inengi labo sebejahe ukulima izilimo ezibatholisa imali ngesiphangiphangi okufana legwayi lanxa besezigabeni ezina kuhle izulu okungabatholisa isivuno esihle nxa bethe balima izilimo ezitholisa uzulu ukudla.
Ngakho u Mfote uthi kuqakathekile ukuba uhulumende aqakathekise inhlelo ezitholisa abalimi imfundiso emqoka phezu kokuqakatheka kokulima izilimo zokudla ezifana lamabele lenyawuthi ngoba kuyizilimo ezilokudla okwakha umzimba njalo ezingadingi izulu elinengi.
Omunye wabakade bekulomhlangano ngaphansi kwenhlelo zokulungiselela usuku lokuqakathekisa indaba zokudla umhlaba wonke jikelele, i World Food Day mhlaka 16 yonale inyanga ngumnumzana Fanuel Cumanzala, ingcwethi kundaba zokutholiswa kokudla enhlanganisweni ye USAID.
UCumanzala uveze ukuba abenhlanganiso yakhe sebanelise ukutholisa eleZimbabwe usizo olubiza amadollar edlula isigidi kusukela ngomnyaka ka 2002 ngaphansi kohlelo lwe Food For Peace Development Programme.
Wengeze ethi okungaphathisa ukuqeda udubo lokusilela kokudla yikusebenzisa indlela zokulima ngokuthelezela.
Lezingcwethi ziveze ukuba eleZimbabwe liyenelisa ukuthola isivuno somumbu ongedlula izigidi ezimbili zamatonne-1,9 million metric tonnes kodwa okwamanje lesi sivuno simi kumatonne aphansi kwesigidi- 798 thousand metric tonnes.
Zithi lezi ngcwethi eleZimbabwe lisalela muva nxa kuqathaniswa lamanye amazwe asathuthukayo awezwekazi le Asia.
Lokhu kwehla kwesivuno ngezizatho ezehlukeneyo kubikwa sekubangele ukuba abantu abedlula izigidi ezimbili ( 2,2 Million ) kumele batholiswe usizo lokudla.
Umhlangano walamuhla lo uza kulungiselelwa usuku lokunanza isimo sokudla emhlabeni jikelele ngaphansi kwesihloko esithi “Sustainable Food Systems For Food Security and Nutrition, Healthy People Depend on Healthy Systems”
Ekhuluma emhlanganweni lengcwethi kwezokulima owenzelwe emahofisini ommeli weMelika kuleli kuhlangothi lwePublic Affairs eHarare, umsekeli wommeli wenhlanganiso ye Food and Agriculture Organisation eZimbabwe, umnumzana David Mfote uthi ukusilela kwendlela zokulima ngokuthelezela kungenye yembangela yokusilela kokudla elizweni.
UMfonte ukhuthaza uhulumende ukuba aphathise abalimi ngemfundiso eyanelayo ngomsebenzi wokulima izilimo ezehlukeneyo ezihambelana lendawo abakizo kanye leyokusebenzisa amandla avela elangeni awe Solar ngoba amandla kagetsi ebiza intengo ephezulu.
Wengeze ethi lokwenza kwabalimi lakho sekuphazamisa ukutholakala kokudla ngoba inengi labo sebejahe ukulima izilimo ezibatholisa imali ngesiphangiphangi okufana legwayi lanxa besezigabeni ezina kuhle izulu okungabatholisa isivuno esihle nxa bethe balima izilimo ezitholisa uzulu ukudla.
Ngakho u Mfote uthi kuqakathekile ukuba uhulumende aqakathekise inhlelo ezitholisa abalimi imfundiso emqoka phezu kokuqakatheka kokulima izilimo zokudla ezifana lamabele lenyawuthi ngoba kuyizilimo ezilokudla okwakha umzimba njalo ezingadingi izulu elinengi.
Omunye wabakade bekulomhlangano ngaphansi kwenhlelo zokulungiselela usuku lokuqakathekisa indaba zokudla umhlaba wonke jikelele, i World Food Day mhlaka 16 yonale inyanga ngumnumzana Fanuel Cumanzala, ingcwethi kundaba zokutholiswa kokudla enhlanganisweni ye USAID.
UCumanzala uveze ukuba abenhlanganiso yakhe sebanelise ukutholisa eleZimbabwe usizo olubiza amadollar edlula isigidi kusukela ngomnyaka ka 2002 ngaphansi kohlelo lwe Food For Peace Development Programme.
Wengeze ethi okungaphathisa ukuqeda udubo lokusilela kokudla yikusebenzisa indlela zokulima ngokuthelezela.
Lezingcwethi ziveze ukuba eleZimbabwe liyenelisa ukuthola isivuno somumbu ongedlula izigidi ezimbili zamatonne-1,9 million metric tonnes kodwa okwamanje lesi sivuno simi kumatonne aphansi kwesigidi- 798 thousand metric tonnes.
Zithi lezi ngcwethi eleZimbabwe lisalela muva nxa kuqathaniswa lamanye amazwe asathuthukayo awezwekazi le Asia.
Lokhu kwehla kwesivuno ngezizatho ezehlukeneyo kubikwa sekubangele ukuba abantu abedlula izigidi ezimbili ( 2,2 Million ) kumele batholiswe usizo lokudla.
Umhlangano walamuhla lo uza kulungiselelwa usuku lokunanza isimo sokudla emhlabeni jikelele ngaphansi kwesihloko esithi “Sustainable Food Systems For Food Security and Nutrition, Healthy People Depend on Healthy Systems”