Inengi labeZimbabwe liyalusola kakhulu uhlelo lokubhaliswa kwabalwa impi yenkululeko, labancedisa kule impi, ukuze bathole amapentsheni lezinye indingeko besithi lukhanya lweyamele kwezombusazwe kuncediswa abakubandla elibusayo eleZANU PF kutshiywa abaphandle kwalelo bandla kodwa bengabalwa limpi.
Uhlelo lokubhaliswa kwabalwa impi yenkululeko lababencedisa ababebizwa ngokuthi ngoChimbwido, olusanda kusungulwa ngabogatsha lwezomvikela luqale mhlaka 16 wayonale inyanga kaNhlangula.
Labo abafuna ukubhalisa babikwa kumele bathathe incwadi zokwenza lokhu emahofisini awenhlanganiso yabalwa impi yenkululeko lasezinkambeni zabebutho.
Omunye owabalwa impi ye nkululeko ekuviyo leZimbabwe People’s Revolutionary Army (ZPRA) uMnu Baster Magwizi uthi emangweni wabo kubhaliswa eGwanda.
“Phakathi kohlelo lolu olukubhalisa abancedisa empini, sekusiba khona imbiko esiyithola lapho asebeluthatha ngoluhlu lwamabandla ezombusaswe. Ibandla le ZANU PF yilo eselikhokhela kuluhlu lolu.”
Uqhubeke esithi okwamanje basazama ukucubungula udaba lolu abazakuthola kuloluphenyo bazakwazisa inkokheli, ekhuthaza abanye bakhe ukuba baye bhalisa.
“Uhlelo lukubhaliswa lolu luzahlambululwa. Kukhona abanye abazenzisayo abayenza eye ZANU PF. Lindaba leyi ngeyomzabalazo we Zimbabwe owacina ngo mnyaka ka 1980”
Eyinye ingcitshi kwezombusazwe uMnu Tapiwa Sithole uyasola ukuqutshwa kwalolu hlelo khathesi ethi uhulumende ukhanya esefuna ukulusebenzisa ukukhankasela ukhetho.
“Into yokuthi hulumende lokhe ebanika imali yinto engasalunganga. Abantu laba sebehlala bebongwa kokuphela. Asitsho ukuthi bengaphiwa , baphiwa imali ukuba bancindezelwe ukuba bevotele iZANU”
Kasisenelisanga ukukhuluma lomphathintambo wozokuvikelwa kwelizwe uNkosikazi Oppah Muchinguri Kashiri, ukuthi bangaki abantu asebebhalise amabizo.
Uhlelo lokubhalisa lolu lwenziwa phansi ko mthetho owe Veterans of the Liberation Struggle Act.
Abantu kumele babhalise amabizo abo kusiya fika umhlaka 16 Ntulikazi lonyaka. Abazaphumelela bazaphiwa imali zamaPension, ukwelatshwa kungela mbadalo, lokubabhadalela indleko yesikolo yabantwababo.
Abantu laba bazaphiwa njalo amasimu lokungeniswa kwezinye inhlelo zikahulumende zezomnotho lokuthuthukiswa kwenhlalakahle yabo.
