WASHINGTON —
Izihlobo labangani bakamuyi uWilliam Bango owayeyintathelizindaba njalo eyisiphathamandla seMDC-T obhubhe ngoLwesibili engozini yomgwaqo duzane le Dema Growth Point emgwaqweni we Chitungwiza-Hwedza zithe gwaqa esililweni emzini wakhe oseMarlborough eHarare.
UBango wake wasebenza kumaphephandaba abalisa I Herald, Daily news, leZIANA, njalo wake wakhokhela inhlanganiso elwela amalungelo entathelizindaba I Zimbabwe Union of Journalists-ZUJ.
Wangena kwezombusazwe lapho aba yisikhulumi somunye wabakhokheli becele leMDC uMnu. Morgan Tsvangirai kusukela ngomnyaka ka 2002 kusiya ku 2008, lapho aphiwa esinye isikhundla emahofisini alelibandla.
Ibandla leMDC lethule umbiko lamuhla lisithi umuyi uBango, yena owalwa kumpi yenkululeko, ubhubhe elokhu elezinyalo kulandelwa ukutshaywa kwakhe ngamapholisa ngomnyaka ka 2007 eMachiphisa Police Station eHarare, endawonye loMnu. Tsvangirai besiya emthandazweni owawuqoqwe ngumanyano we Save Zimbabwe Campaign.
UBango utshiye unkosikazi wakhe kanye labantwana abane labazukulu abambalwa.
Ukuze sizwe okunengi ngomuyi, uSithandekile Mhlanga weStudio 7 uxoxe loFoster Dongozi, isiphathamandla seZUJ, owake wasebenza lomuyi.
UDongozi uthi umuyi uBango ngomunye wabathuthukisa inhlanganiso yeZUJ kukanti ngumuntu owayethandwa ngabanengi njalo engagudli iguma nxa ekhuluma.
UBango wake wasebenza kumaphephandaba abalisa I Herald, Daily news, leZIANA, njalo wake wakhokhela inhlanganiso elwela amalungelo entathelizindaba I Zimbabwe Union of Journalists-ZUJ.
Wangena kwezombusazwe lapho aba yisikhulumi somunye wabakhokheli becele leMDC uMnu. Morgan Tsvangirai kusukela ngomnyaka ka 2002 kusiya ku 2008, lapho aphiwa esinye isikhundla emahofisini alelibandla.
Ibandla leMDC lethule umbiko lamuhla lisithi umuyi uBango, yena owalwa kumpi yenkululeko, ubhubhe elokhu elezinyalo kulandelwa ukutshaywa kwakhe ngamapholisa ngomnyaka ka 2007 eMachiphisa Police Station eHarare, endawonye loMnu. Tsvangirai besiya emthandazweni owawuqoqwe ngumanyano we Save Zimbabwe Campaign.
UBango utshiye unkosikazi wakhe kanye labantwana abane labazukulu abambalwa.
Ukuze sizwe okunengi ngomuyi, uSithandekile Mhlanga weStudio 7 uxoxe loFoster Dongozi, isiphathamandla seZUJ, owake wasebenza lomuyi.
UDongozi uthi umuyi uBango ngomunye wabathuthukisa inhlanganiso yeZUJ kukanti ngumuntu owayethandwa ngabanengi njalo engagudli iguma nxa ekhuluma.
