WASHINGTON DC —
Abasakhulayo abayisilinganiso esedlula amatshumi ayiskhombisa ekhulwini-70%, abaphiwa izikwelede zokusungula amabhizimusi phansi kwesikhwama seYouth Development Fund, babikwa bengazibhadalanga eminyakeni emine edluleyo, osokubangele abamabhanga ukuthi bathi sebezakusa loludaba emthethwandaba.
Umqondisi we Central African Building Society-CABS umnumzana Kevin Terry utshele idale lephalamende labatsha lokuthuthukiswa kwenotho yabensundu ngoLwesine ukuba ontanga sebephiwe izigidi phose ezinhlanu zamadollar-$4,5million.
Umgcinisihlalo walikhomidi, umnumzana Justice Wayor Wadyajena, ucele uTerry ukuthi aze lobunye ubufakazi ngeviki ezayo lapho likhomidi ezahlala khona njalo. Isikhwama se Youth Development Fund sethulwa nguhulumende ngomnyaka ka 2006 kumele ukuthi imali eyabe ibhadelwe ngabanye iphathise abanye njalo abayabe befake isicelo.
Kodwa ontanga bezinye izigaba, ikakhulu eMandebeleni bakhala ngokuthi bayabandlululwa ekufinyeleleni imali yalesi sikhwama.
Ingcwethi kwezombusazwe, umnu. Thabani nyoni, ongumgcinisihlalo wenhlanganiso yeBulawayo Agenda utshele iStudio Seven ukuthi ukungabhadali izikwelede akutsho ukwehluleka kwamabhizimusi kodwa ngumkhuba nje osuhlasele inengi leZimbabwe.
Umqondisi we Central African Building Society-CABS umnumzana Kevin Terry utshele idale lephalamende labatsha lokuthuthukiswa kwenotho yabensundu ngoLwesine ukuba ontanga sebephiwe izigidi phose ezinhlanu zamadollar-$4,5million.
Umgcinisihlalo walikhomidi, umnumzana Justice Wayor Wadyajena, ucele uTerry ukuthi aze lobunye ubufakazi ngeviki ezayo lapho likhomidi ezahlala khona njalo. Isikhwama se Youth Development Fund sethulwa nguhulumende ngomnyaka ka 2006 kumele ukuthi imali eyabe ibhadelwe ngabanye iphathise abanye njalo abayabe befake isicelo.
Kodwa ontanga bezinye izigaba, ikakhulu eMandebeleni bakhala ngokuthi bayabandlululwa ekufinyeleleni imali yalesi sikhwama.
Ingcwethi kwezombusazwe, umnu. Thabani nyoni, ongumgcinisihlalo wenhlanganiso yeBulawayo Agenda utshele iStudio Seven ukuthi ukungabhadali izikwelede akutsho ukwehluleka kwamabhizimusi kodwa ngumkhuba nje osuhlasele inengi leZimbabwe.