WASHINGTON —
Umphathintambo kahulumende obona ngoku thuthukiswa kwenotho elizweni uMnu. Tapiwa Mashakada uthi kufanele eleZimbabwe kanye lezwekazi le Africa lonke lisebenze gadalala ukuthuthukisa amafekithali ngendlela yokubumba imisebenzi eminengi.
UMashakada ubekhuluma ngolweSine eHarare emkhosini wokuvula ngokusemthethweni umhlangano we-Intergovernmental Committee of Experts oqoqwe nguhulumende kanye lomanyano wamazwe omhlaba owe United Nations obona ngokwenzakala eAfrica iUnited Nations Economic Commission for Africa.
Ekhuluma emhlanganweni ofanayo, umsekeli kaMashakada, uMnu. Samuel Undenge uthe eleZimbabwe kufanele lilungise uhlupho lwamandla kagetsi elizweni ukwenzela ukuthi lihuge osomabhizimusi abavela kwamanye amazwe.
Ukuhlaziya loludaba, USithandekile Mhlanga weStudio 7 uxoxe loMnu. Bulisani Ncube, ilunga lenhlanganiso ye National Chamber of Commerce, yena ogcizelela ukuthi eleZimbabwe lilemvelo enengi okufanele liyisebenzise ukuthuthukisa umnotho welizwe.
UMashakada ubekhuluma ngolweSine eHarare emkhosini wokuvula ngokusemthethweni umhlangano we-Intergovernmental Committee of Experts oqoqwe nguhulumende kanye lomanyano wamazwe omhlaba owe United Nations obona ngokwenzakala eAfrica iUnited Nations Economic Commission for Africa.
Ekhuluma emhlanganweni ofanayo, umsekeli kaMashakada, uMnu. Samuel Undenge uthe eleZimbabwe kufanele lilungise uhlupho lwamandla kagetsi elizweni ukwenzela ukuthi lihuge osomabhizimusi abavela kwamanye amazwe.
Ukuhlaziya loludaba, USithandekile Mhlanga weStudio 7 uxoxe loMnu. Bulisani Ncube, ilunga lenhlanganiso ye National Chamber of Commerce, yena ogcizelela ukuthi eleZimbabwe lilemvelo enengi okufanele liyisebenzise ukuthuthukisa umnotho welizwe.
