Kulandela umhlangano oqhutshwe namuhla phakathi kwezinduna lomongameli Emmerson Mnangagwa ngoMgqibelo, uhulumende uthi induna yizo ezizakhokhela udaba lweGukurahundi ezigabeni zazo ngendlela yokulungisa loludaba.
Umongameli Mnangagwa uthi udaba lunye ngalunye luzacutshungulwa kukhokhela izinduna, njalo abantu bazitshele ukuthi lulungiswe njani kulabo abafuna ukungcwaba izihlobo zabo kutsha kumbe abafuna inhlawulo.
Uthi kufanele abantu bebuzwe ukuthi bafunani njalo udaba lolu lungaphathwa ngokulenkethabetshabi. Induna ezaqeda ukukhulumisana labantu bayo izatshela uhulumende, yena ozaletha usizo.
Baphinde bacubungula okubalisa ukuthola izithupha kwabathinteka ngeGukurahundi, ukwelulekwa kwabo, lokungathuthukiswa kwesigaba seMatabeleland. Kubikwa kwabulawa inkulungwane lenkulungwane zabantu ezigabeni zeMatabeleland leMidlands ilizwe lisanda ukuthola uzibuse ngesikhathi seGukurahundi ibutho leFifth Brigade lisithi lidinga abahlamuki.
Ukuze sicubungule loludaba, sixoxoxa loMnu. Mqondisi Moyo, umkhokheli webandla leMthwakazi Republic Party yena othi ngabe udaba lolu lukhokhelwa yikhomishini ezimeleyo okweqiniso, engaisyo eyeNational Peace and Reconciliation Commission, ngoba ezinye induna zisetshenziswa nguhulumende.
