Intathelizindaba zephephandaba leSunday Mail ezetheswa icala lokuthi zabhala amanga ngamapholisa acatshangelwa ukuthi abulala indlovu okungekho emthethweni zimiswa phambili kukamantshi kudale lomthethwandaba.
Eyinye njalo intathelizindaba yephephandaba leHerald ibotshelwa ukuthi icele imali yokubhala udaba oluhambelana losomabhizimusi omkhulu weHarare uMnu. Sam Levy.
Umumo wendlala uqhubeka usiba mubi eZimbabwe ikakhulu eMatabeleland, eMasvingo leNkabazwe.
Owadlalela iqembu lenguqu lamaWarriors uPaul Gundani kasekho.
Kuhlelo lwezizalwane zeZimbabwe ezihlala emazweni atshiyeneyo lamuhla sixoxa lezihlala eBhilithane lapho ezibhekane lemithetho esungulwayo ezakwenza kubenzima ukuthi abangelamaphepha ayeneleyo basebenze njalo bahlale kulelolizwe. Kukhangelelwe ukuthi zinengi izizalwane zeZimbabwe ezihlala kulelolizwe ezizathwala nzima ngalokhu.
KuLivetalk namhlanje sikhangela ukubhubha kuka Paul Gundani owayedlalela amaWarriors. Lingakhuthwa yilezi ndaba lezinye kuStudio 7 ngo 8 ntambama kumagagasi athi 909 am, 4930, 13860, lo 15460, Shortwave, sitholakala njalo kuFacebook ku VOA Ndebele.
