********* Owayengumsekeli kamongameli uNkosikazi Joyce Mujuru ugwalo lwembono yokuvuselela umnotho welizwe elibizwa ngokuthi: Blueprint to Unlock Investment and Leverage for Development (BUILD), inengi elithi kukhomba ukuthi uzancintisa kukhetho oluzayo oluka 2018.
*********** Kambe abalahlekelwa yimisebenzi elizweni baziphilisa njani njengoba ele South Africa lisithi liphendukisa ngobunengi babo abangalamaphepha okuhlala kulelo lizwe ngokusemthethweni abanye babo kuyizizalwane zeZimbabwe ezidinga imisebenzi kulelolizwe.
************* Kweziphathelane lamasiko, sihlaziya imizamo yokugcoba inkosi yamaNdebele kulandela umkhosi owenziwe ngempelaviki koBulawayo, obunanza imisebenzi yenkosi yamaNdebele uMzilikazi.
*********** Kuhlelo lwe Livetalk, sikhangela ukuvulwa kwezikolo lamuhla abazali besithi abalamali eneleyo eyokubhadalela abantwababo ama school fees kanye lezinye indleko zesikolo.
Lingakhuthwa yilezi ndaba lezinye kuStudio 7 ngo 8 ntambama kumagagasi athi 909 AM kumbe 4930 lo15455 Shortwave.